Татарстан Республикасының Индонезия белән сәүдә-икътисадый хезмәттәшлеге

2012 елның 11 апрелендә Татарстан Республикасының Сәнәгать һәм сәүдә министры урынбасары Рашат Фәттахов Индонезия Республикасының Россия Федерациясендәге Гадәттән тыш һәм Тулы вәкаләтле вәкиле Джаухар Оратмангун әфәнде белән очрашты.
Очрашуда сүз Индонезия һәм Татарстан Республикасы арасында хезмәттәшлек итү мәсьәләләре хакында барды.
Чарада Индонезия ягыннан Индонезия Республикасының Россия Федерациясендәге Гадәттән тыш һәм Тулы вәкаләтле вәкиле Джаухар Оратмангун әфәнде, Вәкиллекнең Беренче секретары Лейлал Юниарти, Вәкиллекнең Өченче секретаре Юри Алвис катнашты.
Рашат Фәттахов Индонезия делегациясе вәкилләрен Татарстанның сәнәгать һәм инвестиция потенциалы белән таныштырды. Ул, Татарстан һәм Индонезия арасында тышкы товар әйләнеше 2011 елда 93,3 млн. АКШ доллары, шул исәптән экспорт – 68,2 млн. АКШ доллары, импорт – 25,1 млн. АКШ доллары тәшкил итүе хакында сөйләде, Татарстан Республикасының автомобиль, вертолет, суднолар төзү тармаклары продукциясен Индонезия базарына чыгаруның өметле юнәлешләрен билгеләп үтте.
Индонезия Республикасының Россия Федерациясендәге Гадәттән тыш һәм Тулы вәкаләтле вәкиле Джаухар Оратмангун әфәнде Татарстан Республикасына визитның нәтиҗәләреннән канәгать калуын, биредә сәнәгать һәм фәнни потенциалның зур булуын, Татарстан Республикасында җыелган вертолетларның Индонезия базарына чыгаруның хезмәттәшлек итүнең уңай мисалы булып торуын билгеләп үтте.
Яклар сәүдә-икътисадый хезмәттәшлекнең перспективалары хакында, АТЭС саммиты чаралары кысаларында быелның май-июнь айларында Индонезиянең эшлекле даирәләре вәкилләренең бизнес-миссиясен оештыру мәсьәләләре турында фикер алышты.
Мәгълүмат өчен:
Индонезия Республикасының Россия Федерациясендәге Гадәттән тыш һәм Тулы вәкаләтле вәкиле Джаухар Оратмангун әфәнде Татарстан Республикасына танышу визиты белән килде. Ул бу вазыйфага 2011 ел ахырында билгеләнеп куелды.