«Белем. Карьера» күргәзмәсе ачылды

2012 елның 11 апрелендә Татарстан Республикасының Сәнәгать һәм сәүдә министры урынбасары Гөлнара Әхмәдиева "Белем. Карьера" күргәзмәсен рәсми ачу тантанасында катнашты. Күргәзмәдә 120дән артык экспонат катнаша, алар арасында югары уку йортлары, белем бирү үзәкләре, урта һөнәри белем бирү учреждениеләре, мәшгульлек үзәкләре, сәнәгать предприятиеләре, кадрлар агентлыклары, нәшриятлар бар. Кадрлар әзерләү мәсьәләсе буенча әлеге чара кысаларында 11 апрельдә ведомствоара түгәрәк өстәл үткәреләчәк.
"Белем. Карьера" махсуслашкан күргәзмәсе Казан, Мәскәү, Санкт-Петербург һәм Россиянең башка шәһәрләрендәге уку йорлары, аларга керү шартлары турында мәгълүмат алырга, уку йортларына абитуриентлар җыярга, гамәлдәге уку юнәлешләре һәм рәвешләре хакында белешмәләр бирергә ярдәм итә.
Яшьләргә һөнәр, югары, урта һәм башлангыч белем алу өчен уку йорты сайлауда, квалификация күтәрүдә яисә һөнәри яңадан әзерләүдә ярдәм итү максатыннан күргәзмә кысаларында 11–12 апрель көннәрендә "Сәүдә, сервис, кунакчыллык", "Машина төзелеше", "Нефть чыгару, нефть химиясе һәм нефть эшкәртү”, "Төзелеш, архитектура һәм ТКХ", "Авиатөзелеш", "Транспорт һәм юл хуҗалыгы" тармаклары презентацияләре үтәчәк.
Күргәзмәдә эш урыннары ярминкәсе оештырылган.

"Белем. Карьера" махсуслаштырылган күргәзмәсе Казан шәһәре һәм Татарстан районнары мәктәпләре һәм колледжлары укучылары, аларның ата-аналары, югары уку йортлары, техникумнар студентлары , училищелар укучылары өчен уздырыла.