А.Н.Туполев исемендәге КНИТУ фән-мәгариф кластерын Алабуга төбәге ихтыяҗларын исәпкә алып гамәлгә ашыру

2012 елның 3 апрелендә Татарстан Республикасының Сәнәгать һәм сәүдә министры Р.Зарипов А.Н. Туполев исемендәге фән-мәгариф кластерын Алабуга төбәге предприятиеләре ихтыяҗларын исәпкә алып гамәлгә ашыруга багышланган киңәшмә үткәрде. Киңәшмә эшендә Татарстан Республикасының Сәнәгать һәм сәүдә министры урынбасары Гөлнара Әхмәдиева, Алабуга муниципаль районы башлыгы урынбасары Зөлфия Сөнгатуллина, А.Н. Туполев исемендәге КНИТУ ректоры вазыйфаларын башкаручы Николай Абруков, А.Н. Туполев исемендәге КНИТУ һәм вузның Алабугадагы филиалы җитәкчелеге вәкилләре, Алабуга политехник колледжы вәкилләре, "ЕЛАЗ ҖБ" ААҖ, "Форд Солерс Холдинг" ҖЧҖ кадрлар хезмәте җитәкчеләре, "Алабуга" АИЗ вәкилләре катнашты.
Киңәшмәне ачып, Татарстан Республикасының Сәнәгать һәм сәүдә министры Р.Зарипов предприятиеләрне квалификацияле белгечләр белән тәэмин итү мәсьәләсенең актуаль булуын ассызыклады. "Бу уңайдан уку йортларында кадрлар әзерләүнең предприятиеләрдәге реаль ихтыяҗларга туры килүенә игътибар итәргә кирәк" – дип билгеләп үтте ул.
Татарстан Республикасының Сәнәгать һәм сәүдә министры фикеренчә, машина төзелеше өлкәсендәге фән-мәгариф кластерының түбәндәге мәсьәләләрен иң беренче хәл итәргә кирәк:
• машина төзелеше тармагында белгечләрне күп баскычлы әзерләүне тәэмин итүче белем бирү программаларын эшләү (НПО – СПО – ВУЗ - База предприятиесе);
• яшь белгечләргә республиканың машина төзелеше предприятиеләренә эшкә урнашырга ярдәм итү һәм шунда калдыру;
• машина төзелеше өлкәсендә инновацияле мәгариф модульләрен, квалификация күтәрү һәм һөнәри әзерләү системасында уку-укыту программаларын эшләү.

2012 елда фән-мәгариф кластеры эшчәнлегенең төп юнәлеше компетенция үзәкләре, фәнни-тикшеренү лабораторияләре, инжиниринг үзәкләре үсеше буенча кластерда катнашучыларның эшчәнлек нәтиҗәсен тагын да арттырудан гыйбарәт.
Министр сүзләренчә, "А.Н. Туполев исемендәге Казан милли фәнни-тикшеренү университеты" фән-мәгариф кластерының координация советының 27 мартта булган утырышы Беркетмәсе нигезендә, Татарстан Республикасы Сәнәгать һәм сәүдә министрлыгы һәм республиканың машина төзелеше өлкәсенә караган укыту-мәгариф учреждениеләре тарафыннан түбәндәгеләр планлаштырыла:
- тармак министрлыклары һәм ведомстволары кластерлары кысаларында фәнне һәм җитештерүне интеграцияләү буенча эшче төркемнәр төзү;

- фән-мәгариф кластерының мөмкинлекләрен презентацияләү максатында Чаллы шәһәрендә сәнәгать предприятиеләре вәкилләре һәм “Алабуга” АИЗ резидентлары катнашында фән-мәгариф кластерының координация советы утырышын уздыру;

- кластерда катнашучыларның проблемалы мәсьәләләре хакында фикер алышу һәм аларның үзара хезмәттәшлеген арттыру өчен тәкъдимнәр эшләү максатында предприятие җитәкчеләренең кадрлар мәсьәләләре буенча урынбасарлары, КНИТУ-КАИ белем бирү учреждениеләре һәм филиаллары җитәкчеләре өчен тармак кластерлары кысаларындагы лабораторияләрне максатчан презентацияләүне оештыру.
Равиль Зарипов квалификацияле белгечләр әзерләүнең актуаль булуын билгеләп үтте.
Алабуга муниципаль районы башлыгы урынбасары Зөлфия Сөнгатуллина Алабуганың хезмәт базарындагы хәл телән таныштырды.
А.Н. Туполев исемендәге КНИТУ һәм бу уку йортының Алабуга шәһәрендәге филиалы вәкилләре, Алабуга политехника колледжы, сәнәгать предприятиеләре вәкилләре Алабуга муниципаль районы территориясендә урнашкан уку-мәгариф учреждениеләре һәм предприятиеләр хезмәттәшлеге, киләчәккә планнар турында сөйләде.

Мәгълүмат өчен:
2011 елның 22 апрелендә Татарстан Республикасы Министрлар Кабинеты карары белән “Туполев исемендәге Казан дәүләт техник университеты” фән-мәгариф кластерында катнашучыларның составы һәм координация советы турында Нигезләмә расланды.