«Сакчыл җитештерү » ысулын кертү буенча эшче төркем утырышы

2012 елның 27 марты, сишәмбе
27 мартта “Сакчыл җитештерү” ысулын кертү буенча эшче төркем утырышы булды, аңа Татарстан Республикасы Сәнәгать һәм сәүдә министры Р. Зарипов җитәкчелек итте.
Утырышта Татарстан Республикасы Сәнәгать һәм сәүдә министры урынбасары Гөлнара Әхмәдиева, Татарстан Республикасы Энергетика министры беренче урынбасары Айдар Фәхретдинов, Татарстан Республикасы Авыл хуҗалыгы һәм азык-төлек министры урынбасары Айдар Сәлахов, КАМАЗ, ЕлАЗ, Казан электротехника заводы, Чаллы шәһәре һәм “Кама аръягы” төбәге сәүдә-сәнәгать палатасы” вәкилләре һ.б катнашты.
Түбәндәгеләр чыгыш ясады:
 • Татарстан Республикасы Сәнәгать һәм сәүдә министры Равил Зарипов.
Министр чыгышында “Сакчыл җитештерү” ысулын һәм Лин-технологияләрне кертү республикада җитештерүне үстерүнең төп юнәлешләренең берсе булуы,   бу тәҗрибәнең Россиянең башка регионнарында да кызыксыну уятуы хакында сөйләде. Сәнәгать буенча координация советының беренче утырышы кысаларында уздырылган “Лин-технологияләр һәм сыйфат белән идарә итү” темасына багышланган “түгәрәк өстәл” моның ачык дәлиле.  

• Татарстан Республикасы Сәнәгать һәм сәүдә министры урынбасары Гөлнара Әхмәдиева 2012 елга куелган планнарның агымдагы елның 1 кварталында үтәлүе, Татарстан Республикасында 2012-2013 елларга “Сакчыл җитештерү” ысулын кертүнең максатчан программасы чараларын гамәлгә ашыру хакында бәян итте. Республикада сакчыл җитештерүнең 2 региональ фәнни-мәгариф үзәге төзелде инде, ләкин ирешелгәннәр белән генә тынычланырга ярамый: предприятиеләрнең программаны финанслашуы өлкәсендә эшләргә, проектта катнашучы предприятиеләрне сайлап алу турында нигезләмә булдырырга, “Сакчыл җитештерү” ысулы буенча идарә итү командаларын төзүгә  һәм өйрәтүгә керешергә кирәк. Болар агымдагы елның 2 кварталында башкарылырга тиеш.
• Татарстан Республикасы Энергетика министры беренче урынбасары Айдар Фәхретдинов тармак министрлыкларының “Сакчыл җитештерү” инструментларын кертү буенча башкарган эше хакында сөйләде.

• Әлмәт муниципаль районы башлыгы киңәшчесе Рафаэль Шәвәлиев “Әлмәт – сакчыл шәһәр” проектын гамәлгә ашыру турында мәгълүмат бирде.

• “КАМАЗ” ААҖ Җитештерү системасын үстерү комитеты рәисе урынбасары Владимир Арженцев предприятиеләргә сакчыл җитештерүне кертү нәтиҗәләре стандартларын эшләү хакында чыгыш ясады.
• “Казан электротехника заводы” генераль директоры Владимир Гинсбург  заводның җитештерү системасы хакында бәян итте.
• Чаллы шәһәре һәм “Кама аръягы” төбәге сәүдә-сәнәгать палатасы” директоры Юрий Петрушин чит ил предприятиеләренең лин-технологияләрне кертү тәҗрибәләрен өйрәнү турында сөйләде.
Утырышны йомгаклап, министр, Лин-технологияләрне куллану буенча чит илләрнең алдынгы тәҗрибәсен өйрәнү максатыннан командировкалар оештыру инициативасы белән чыгу кирәклеге турында тәкъдим итте.
 
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнарның мөрәҗәгатьләре белән эшләү
Адрес: 420111, Казан шәһәре, Островский урамы, 4
Телефон: +7(843) 567-36-73 (72,74 ) - отдел делопроизводства и контроля, +7(843) 210-05-01 (министр)
E-Mail: mpt@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International