Фәнни-мәгариф кластерының координация советы утырышы

2012 елның 27 марты, сишәмбе
2012 елның 27 мартында А.Н. Туполев исемендәге  Казан милли фәнни-тикшеренү университетында фәнни-магариф кластерының координация советы утырышы булды, анда Татарстан Республикасы Сәнәгать һәм сәүдә министры Равил Зарипов катнашты.
Утырышта шулай ук Татарстан Республикасы Сәнәгать һәм сәүдә министры урынбасары Гөлнара Әхмәдиева, Татарстан Республикасы Хезмәт, эш белән тәэмин итү һәм социаль яклау министры урынбасары Клара Таҗетдинова, Татарстан Республикасы Транспорт һәм юл хуҗалыгы министры беренче урынбасары Инсаф Хәйруллин, “Татарстан Республикасы предприятиеләре һәм эшкуарлары ассоциациясе” президенты Александр Лаврентьев, “Казан вертолет заводы” ААҖ генераль директоры Вадим Лигай, сәнәгать предприятиеләре («КАМАЗ» ААҖ, «Казанькомпрессормаш» ААҖ, «Радиоприбор» ААҖ, «Горбунов ис. КАҖБ» ААҖ), белем бирү учреждениеләре вәкилләре катнашты.
Утырыш икътисадның реаль тармагында квалификацияле белгечләр әзерләүне җайга салу һәм гамәлгә ашыру максатыннан уздырылды. 
Координация советы утырышында түбәндәгеләр чыгыш ясады:
• сәнәгать предприятиеләре өчен квалификацияле белгечләр әзерләү, югары уку йортлары һәм башка уку-укыту учреждениеләре хакында, компетенция үзәкләрен, фәнни-тикшеренү лабораторияләрен, инжиниринг үзәкләрен үстерү эшендә класстерда катнашучыларның керткән өлеше турында Татарстан Республикасы Сәнәгать һәм сәүдә министры Зарипов Равил Хаммат улы;
 • А.Н. Туполев исемендәге Казан милли фәнни-тикшеренү университетының 2011 елгы эш йомгаклары һәм киләчәккә планнары турында ректор вазыйфаларын башкаручы Абруков Николай Ремович;
• 2012 елның 1 кварталында мәгариф учреждениеләре аудиты турында А.Н. Туполев исемендәге Казан милли фәнни-тикшеренү университеты проректоры Зиннуров Булат Хәнәфи улы;
• 2012 елның 1 кварталында фәнни-мәгариф кластерының эше хакында А.Н. Туполев исемендәге Казан милли фәнни-тикшеренү университеты беренче проректоры Маливанов Николай Николаевич;
•  Татарстан Республикасы сәнәгать предприятиеләре өчен белгечләр әзерләү мәсьәләләре буенча «КВЗ» ААҖгенераль директоры Лигай Вадим Александрович.
Вадим Лигай югары квалификацияле белгечләр әзерләүнең куелышы өчен борчылуын белдерде. Предриятиеләргә эшче һөнәрләргә ия булган, киң профильле белгечләр таләп ителә. “КАИның яхшы белем бирү базасы барлыгы мәгълүм, бакалавр баскычын тәмамлаган белгечләр киң профильле булырга, магистр баскычын тәмамлаучылары аерым бер тармак һөнәре алып чыгарга тиешләр”, – диде ул, ВУЗ, колледжлар һәм техникумнар җитәкчеләренә мөрәҗәгать итеп.
Равил Зарипов фикеренчә, студентларны аерым бер предприятие өчен максатчан әзерләүне башлангыч һәм урта һөнәри белем бирү баскычларыннан ук башларга кирәк. Предприятиеләр белгечләрне максатчан әзерләү һәм һөнәр практикасын системалы оештыру буенча лидерларга тиңләшергә тиеш.
Утырыш нәтиҗәләре буенча Татарстан Республикасы Сәнәгать һәм сәүдә министры Равил Зарипов координация советының чираттагы утырышын “Алабуга” икътисадый зонасы, мәгариф кластерына керүче предприятиеләрнең һәм учреждениеләрнең күпчелеге урнашкан Кама арты зонасында, Чаллы шәһәрендә үткәрергә киңәш итте.
 
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнарның мөрәҗәгатьләре белән эшләү
Адрес: 420111, Казан шәһәре, Островский урамы, 4
Телефон: +7(843) 567-36-73 (72,74 ) - отдел делопроизводства и контроля, +7(843) 210-05-01 (министр)
E-Mail: mpt@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International