"Татарстан Республикасының иң яхшы товарлары" конкурсы

23 мартта "Татарстан Республикасының иң яхшы товарлары – 2012" конкурсын оештыру комитеты утырышы булды. Аны Татарстан Республикасының Сәнәгать һәм сәүдә министры урынбасары Рашат Фәттахов үткәрде.
Утырышта Татарстан Республикасы Мәдәният министрлыгы, Татарстан Республикасы Яшьләр эшләре, спорт һәм туризм министрлыгы, "Стандартлаштыру, метрология һәм сертификацияләү буенча Татарстан үзәге" ФДУ, Татарстан Республикасы сәнәгать предприятиеләре һәм эшкуарлары ассоциациясе, Татарстан Республикасы Дәүләт алкоголь инспекциясе, массакүләм мәгълүмат чаралары вәкилләре һ.б катнашты.
Татарстан Республикасы Министрлар Кабинетының 2003 елның 26 декабрендәге 1969-р номерлы Боерыгы нигезендә 2004 елдан бирле "Россиянең иң яхшы 100 товары" Программасы кысаларында "Татарстан Республикасының иң яхшы товарлары" конкурсы үткәрелә. Оештыру комитеты быел да бу конкурсны үткәрү турында карар чыгарды. Җиңүчеләргә конкурс нәтиҗәләре буенча дипломнар тапшырыла. Лауреатларга һәм 1 дәрәҗә дипломга ия булучыларга үз продукцияләренә конкурс логотибын урнаштыру хокукы бирелә. Республика конкурсында җиңүчеләр "Россиянең иң яхшы 100 товары" конкурсында катнаша.
Җитештерүчеләрне "Татарстан Республикасының иң яхшы товарлары" конкурсында катнашырга чакырабыз. Оештыру комитеты катнашучыларның бер төр товар белән катнашу кертемен 6000 сум, калганнары өчен һәрберсен бишәр мең сум (шул исәптән НДС) итеп билгеләде.
Конкурста катнашу өчен заявкаларны 2012 елның 15 апреленә кадәр «Татарстан» ЦСМ» федераль бюджет учреждениесенә түбәндәге адреслар буенча җибәрергә мөмкин: e-mail: smi@tatcsm.ru, air@test-tatarstan.org, факс (843) 279-56-35 яисә адрес: 420029, Казан шәһәре, Журналистлар урамы, 24.
Контакт телефоны: (843) 291-08-13.
Конкурс хакында мәгълүмат һәм кирәкле документлар исемлеге түбәндә урнаштырылган:
- региональ этап - http://test.tatarstan.ru/rus/contest2.htm
- федераль этап - www.100best.ru