«Казан электротехника заводы» ААҖ» хезмәт коллективы белән очрашу

2012 елның 31 гыйнварында Татарстан Республикасы Сәнәгать һәм сәүдә министры Равил Зарипов "Казан электротехника заводы" ААҖ" хезмәт коллективы белән очрашты. Очрашуда 2011 елгы эшчәнлеккә йомгак ясалды, 2012 елга бурычлар һәм предприятиенең үсеш перспективалары билгеләнде. Равил Зарипов җитештерүне модернизацияләү, предприятиедә "Сакчыл җитештерү" технологияләрен кертү белән танышты, җитештерү цехларында булды, яңа эшләнмәләр белән кызыксынды. Очрашуда предприятие җитәкчеләре, һөнәр берлеге һәм хезмәт коллективы вәкилләре, шулай ук Казан шәһәре башкарма комитетының Вахитов, Идел буе районнары хакимияте вәкилләре катнашты.
Равил Зарипов очрашуда катнашучыларны республиканың социаль-икътисадый үсеш нәтиҗәләре, социаль программаларны гамәлгә ашыру барышы белән таныштырды. Республиканың машина төзелеше сәнәгатенең бүгенгесе һәм үсеш перспективалары хакында сөйләде, әлеге предприятиенең республика сәнәгатенә керткән өлешен билгеләп үтте.
Республика җитәкчелеге һәм "Ростехнология" дәүләт корпорациясе тарафыннан кабул ителгән һәм расланган "КТЭЗ" ААҖ 2015 елга кадәр үсеш перспективасы программасы" җитештерүдә инновацияләр кулланырга һәм бюджетка салым кертемнәрен арттырырга мөмкинлек бирә.
Күп тармаклы объектка әйләнү барышында завод граждан билгеләнешендәге яңа продукция эшләп чыгара башлады: "Ритекс" идарә итү станциясе, стандарт булмаган югары вольтлы җиһаз, торбаның магнитлануын компенсацияләү приборы ("ПКНТ"). Стационар металл эзләү приборы "Дозор" белгечләрнең югары бәясенә лаек булды. Ул Казан шәһәрендә метрода һәм тимер юл вокзалларында кулланыла.
"КЭТЗ" ААҖ ике ел дәвамында "Сакчыл җитештерү" технологияләре кертелә. Татарстан Республикасы Сәнәгать һәм сәүдә министрлыгы ярдәме белән 2010 елның башында уртак Россия-Германия предприятиесе төзелде.
"КТЭЗ" ААҖ спонсор буларак хәйрия, мәдәни-спорт чараларында актив катнаша, муниципаль һәм республика иҗтимагый фондларына ярдәм күрсәтә.
Социаль өлкәне үстерү кысаларында эшче яшьләргә аеруча игътибар бирелә: уку программасы оештырылган, иҗат түгәрәкләре, спорт секцияләре эшли, мәдәни-спорт чаралары үткәрелә. Социаль ипотека программасында да предприятие актив катнаша.
Очрашуда хезмәт коллективы вәкиллләре Татарстан Республикасы Сәнәгать һәм сәүдә министрлыгына предприятиенең конкурентлылыкка сәләтле продукциясен сатуда булышлык итүе өчен рәхмәт белдерде, муниципаль хакимият органнары эшчәнлегенә кагылышлы сораулар белән дә (транспортның начар йөрүе, район территриясен җыештыру һ.б) мөрәжәгать итте.