«КВАРТ» ЯАҖ - 70 яшь

2012 елның 27 гыйнварында Татарстан Республикасының Сәнәгать һәм сәүдә министры Равил Зарипов "КВАРТ" ЯАҖ 70 еллыгына багышланган тантаналы чараларда катнашты һәм хезмәт коллективын предприятиенең юбилее белән котлады:

"Хөрмәтле завод хезмәтчәннәре һәм килгән кунаклар!
Сезне Татарстан Республикасы Министрлар Кабинеты, Татарстан Республикасы Сәнәгать һәм сәүдә министрлыгы һәм үз исемемнән "КВАРТ" Кама-Идел акционер җәмгыяте оешуның 70 еллыгы белән тәбрик итәм.
Предприятиенең күпъеллык тарихында аның исеме һәм оештыру-хокукый рәвеше берничә мәртәбә үзгәртелде. Әмма завод хезмәтчәннәренең республикабызның һәм илебезнең резинотехника өлкәсен үстерүдә алдынгылыкка омтылулары һәм лидерлыкны саклап калулары һәр чорга хас булып калды.
СССР Халык Комиссарлары Советы карары белән 1941 елда оешкан "КВАРТ" 60-70 нче еллардан хәзергәчә Россиядә резина-техник әйберләр җитештерелә торган иң эре предприятие булып тора.
"КВАРТ" акционер җәмгыятьнең барлык тармакларда да үсеше инновация белән үрелеп бара. 50 нче елларда предприятиедә СССРда беренче булып латекс әйберләр эшләп чыгарыла башлый һәм нефть чыгару җиһазлары җитештерү җайга салына. 70-90 елларда предприятие уйлап табучыларының авторлык таныклыгы алынган эшләнмәләре һәм предприятие цехларында эшләнгән җиһазларны кулланып кыен геологик шартларда нефть чыгару өчен коррозиягә бирешми торган җиңсәләр, бораулау өчен металл җиңсәләр, тимер юл һәм трамвай киселешләре өчен резина плитәләр эшләп чыгарыла башлый. Бу чор Вениамин Демьяновича Григорьев исеме белән бәйле, аның истәлегенә мемориаль такта ачу тантанасы булды.
1990-2000 елларда предприятиедә КАМАЗ, ГАЗ, УАЗ, чит ил автомобиль җыю заводлары өчен ("Соллерс" компанияләре төркеме заводлары) автокомпонентлар җитештерелә башлый.
Предприятиенең социаль сәясәте дә инновациягә корылган. "КВАРТ" торак йортлар, мәдәни-көнкүреш объектлары – балалар учреждениеләре, шифаханәләр, ял йортлары, спорт-савыктыру комплекслары төзүдә актив катнаша. Хезмәткәрләрнең социаль проблемаларын хәл итү, яшь кадрлар әзерләү бердәм коллектив тупларга ярдәм итте.
Предприятиенең киләчәкне яхшы күзаллавы 90 нчы елларда багланышларның юкка чыгуы шартларында җитештерү күләмен киметү түгел, планлы рәвештә арттыруга ирешергә мөмкинлек бирде. Бүген биредә 7000 нән артык төрдәге продукция чыгарыла. 2011 ел йомгаклары буенча 1,8 млрд. сумлык продукция эшләп чыгарылган, бу – кризиска кадәрге чор белән чагыштырганда, 25 %ка артыграк. Предприятиедә 17 мең кеше эшли, техник җиһазлар яңартыла, эшчәнлекнең сайланган юнәлешләре буенча актив эш алып барыла.
Сезгә хезмәттә яңадан-яңа уңышлар, бердәмлек, гаиләгезгә һәм якыннарыгызга бәхет телим!"