Һөнәри осталык республика конкурсы

2011 елның 24 декабрендә 2015 елга кадәрге чорда Татарстан Республикасы җиңел промышленностен үстерү стратегиясен гамәлгә ашыруның беренче чираттагы чаралары планы нигезендә, “Казан технология һәм дизайн көллияте” базасында Татарстан Республикасының җиңел промышленность предприятиеләре арасында “слесарь-ремонтчы” һөнәре буенча һөнәри осталык республика конкурсы үткәрелә.
Татарстан Республикасында эшче һөнәрләренең абруен күтәрү максатында, тегү, мех, аяк киеме сәнәгатенең төп эшче һөнәрләре арасында 2003 елдан бирле һөнәри осталык конкурслары үткәрелә.
Быелгы конкурста «ПП «Швейник» ААҖ, «Адонис» ААҖ, «Кукмара тегү фабрикасы» ААҖ, «Стиль» ҖЧҖ, «ПКФ «Триада» ҖЧҖ, «Меркурий» ҖЧҖ, «Азнакай киемнәре» ААҖ, «Петро» ҖЧҖ, «Йолдыз» ҖЧҖ һ.б предприятиеләрнең слесарь-ремонтчылары көч сынаша. Конкурс кысаларында TYPICAL корпорациясенең югары технологияле җиһазында мастер-класслар үткәреләчәк.
Конкурс программасы теоретик һәм гамәли белемнәрне тикшерүдән тора. Беренче өлештә һәр катнашучыга өч сораудан торган билет тәкъдим ителә: икесе – һөнәри, берсе иминлек техникасы буенча. Гамәли өлеш элегрәк “Велтекс” фирмасы тәкъдим иткән тегү җайланмасын җайлауны, көйләүне күздә тота.
Беренче урынга – 12 000 сум, икенче урынга – 10 000 сум, өченче урынга 8 000 сум күләмендә акчалата бүләк каралган, шулай ук 2 500 сумлык ике кызыксындыру премиясе дә бар.