Татарстан Республикасы Сәнәгать һәм сәүдә министрлыгы

«Нәтиҗәле процесслар – югары җитештерүчәнлек» VI Халыкара Лин-форумы

2011 елның 21 ноябре, дүшәмбе

2011 елның 22 ноябрендә«Корстон» сәүдә-күңел ачу комплексында “Нәтиҗәле процесслар – югары җитештерүчәнлек” VI Халыкара Лин-форумы» булачак. Форумда Татарстан Республикасы Президенты Рөстәм Нургали улы Миңнеханов катнашачак. Чара “КАМАЗ” ААҖ, Чаллы һәм “Кама аръягы” төбәге сәүдә-сәнәгать палатасы белән берлектә Татарстан Республикасы Сәнәгать һәм сәүдә министрлыгы тарафыннан оешырыла.
Форумның партнерлары: «Лин - Коучинг» компаниясе (Бөекбритания), «McKinsey&Co» компаниясе (Бөекбритания), Кайдзен институты (Мәскәү шәһәре).
Форумда РФ дәүләт хакимияте органнары җитәкчеләре, РФ Сәүдә-сәнәгать палатасы вәкилләре, халыкара Лин-тренерлар, Россия Федерациясенең эре сәнәгать предприятиеләре җитәкчеләре катнашачак.

Форумның максатлары:

• Предприятиеләр һәм оешмалар җитәкчеләренә “Сакчыл җитештерү” принциплары нигезендә җитештерү системаларын үстерүнең заманча концепциясен һәм стратегияләрен күрсәтү;
• сыйфатны яхшырту һәм предприятиеләрнең, оешмаларның конкурентлылык сәләтен арттыру мөмкинлекләрен күрсәтү;
• “Сакчыл җитештерү” инструментларын кертү буенча ирешелгән казанышларны күрсәтү.

Форум программасында пленар утырыш, мастер-класслар, тематик дискуссияләр уздыру каралган. Докладлар белән дәүләт хакимияте органнары җитәкчеләре, Россиянең һәм Татарстанның эре предприятиеләре җитәкчеләре, Кайдзен институты (Мәскәү шәһәре) вәкилләре, Бөекбритания Лин-тренерлары чыгыш ясаячак.

09.00-10.00 Катнашучыларны теркәү (1 этажфойесы)
09.30 -10.00 Күргәзмә карау (күргәзмә, 2 этажфойесы)

10.00-12.00 Пленар утырыш (Корстон1» биюләр залы)
«Сакчыл җитештерү – гамәлдә» видеоролигын күрсәтү

• Татарстан РеспубликасыПрезидентыРөстәм Нургали улы Миңнеханов сәламләве
• Россия Федерациясе Сәүдә-сәнәгать палатасы Президенты Чубаров Вадим Витальевич сәламләве
• Татарстан Республикасының сәнәгать һәм сәүдә министры Зарипов Равиль Хаммат улы доклады: «Татарстан Республикасында "Сакчыл җитештерү" проектын кертү этаплары һәм перспективалары»
• «Берләштерелгән авиатөзелеш корпорациясе» ААҖ Президенты Погосян Михаил Асланович чыгышы: «Җитештерүчәнлекне процессларның нәтиҗәлелеген арттырып күтәрү»
• ААҖ генераль директоры Реус Андрей Георгиевич чыгышы: «ОБОРОНПРОМ» ОПК» тәҗрибәсе: интеграцияләнгән структураларга сакчыл җитештерүне кертү»
• «КАМАЗ» ААҖ генераль директорының беренче урынбасары Клочков Юрий Петрович чыгышы: «КАМАЗ» ААҖ мисалында Lean концепцияләрен хезмәт җитештерүчәнлеген арттыру өчен куллану»
• «Лин-Коучинг» компаниясе генераль директоры Герт Хаар-Йоргенсен чыгышы: «Лин: кыйммәтләр булдыру үзәге»
• (ОМСД) Dаimler –AG менеджмент консалтингы бүлеге өлкән менеджеры доктор Франк Хетц чыгышы: «Лин – идарә фәлсәфәсендәге яңалык»
• «Кайдзен - институты» консалтинг үзәге директоры Гавриченков Андрей Викторович чыгышы: «Сакчыл җитештерү һәм предприятиенең инвестиция җәлеп итүен арттыру»
• Татарстан Республикасы Президенты Рөстәм Нургали улы Миңнехановның йомгаклау сүзе

Бүләкләүләр (Татарстан Республикасы Президенты Рәхмәт хатларын тапшыру)

12.00-13.00 Обед

13.00-15.00 Мастер-класслар:
1 нче секция («Корстон1» биюләр залы)
«Сыйфатлы продукт һәм нәтиҗәле Лин процесслар» «Лин-Коучинг» компаниясенең РФдә проектлар үсеше буенча генераль директоры урынбасары Донал Финн;
2 нче секция («Достоевский» залы)
«Hoshin Kanri – стратегик юнәлешләр билгеләү һәм KPI һәм SMART-максатлар нисбәте ярдәмендә стратегияне үтәү» - «Лин-Коучинг» компаниясе генераль директоры Герт Хаар-Йоргенсен, Питер Виллатс («Lean Enterprise Institute» өлкән киңәшчесе).
15.00-15.30 - Кофе-брейк («Корстон2» биюләр залы)

15.30-17.00 Мастер-класслар:
1 нче секция («Корстон1» биюләр залы);
«Җитештерү системасын төзү этаплары. «КАМАЗ» ААҖ тәҗрибәсе»
(Медведев Игорь Петрович, «КАМАЗ» ААҖ Җитештерү системасын үстерү комитеты рәисе / Зырянов Андрей Михайлович, «КАМАЗ» ААҖ җитештерү системасы буенча башкаручы директоры консультанты);
2 нче секция ( «Достоевский» залы)
«Аерым әйберләр агымы. Кыйммәтләр булдыру агымы картасы төзелеше»
(Арженцов Владимир Федорович, , «КАМАЗ» ААҖ Җитештерү системасын үстерү комитеты рәисе урынбасары /Румянцева Луиза Марсовна, PSK үсеш буенча баш белгече).
17.00-17.30 Йомгаклау («Корстон1» биюләр залы)

Мәгълүмат өчен:

Бүген республика икътисадының төрле өлкәләрендә: машина төзелеше, җиңел промышленность, нефть химиясе, энергетика, авыл хуҗалыгы, транспорт һәм элемтә, ТКХ, сәламәтлек саклауда 80 нән артык предприятие һәм оешмалар Лин-технологияләрне кертү проектына кушылды. Республиканың машина төзелеше предприятиеләре: “КАМАЗ”, “ЕЛАЗ”, “КМПО”, “ПОЗИС”, «Казанькомпрессормаш», «КВЗ», «Горький ис. Зеленодольск судно төзү заводы», «Горбунов ис. КАҖБ» ААҖ, «Алнас», «Казан электротехника заводы» һәм башкалар Лин-технологияләрне кертүдә әйдәп баручылар.

“Халыкара Лин-форумнар уздыру – “Сакчыл җитештерү”не кертү буенча тәҗрибә уртаклашу, ирешелгәннәрне башкаларга да күрсәтүнең иң нәтиҗәле алымнарының берсе. 2009 елдан бирле барлыгы биш Лин-форум үткәрелде, аларда Татарстан, Удмурт, Чуваш, Мордва, Башкортостан, Марий Эл республикалары, Самара, Курган, Свердловск, Тамбов, Мәскәү һәм Киров өлкәләре, Краснодар крае предприятиеләренең 2000гә якын вәкиле катнашты.

БАРЛЫК ЯҢАЛЫКЛАРНЫ УКУ