Cәүдә турындагы Законны гамәлгә ашыру мәсьәләсе буенча иҗтимагый тыңлаулар

2011 елның 27 октябре, пәнҗешәмбе
2011 елның 26 октябрендә Татарстан Республикасы Сәүдә-сәнәгать палатасында "Россия Федерациясендә сәүдә эшчәнлеген дәүләт җайга салуы нигезләре турында" Федераль законны гамәлгә ашыру мәсьәләсе буенча Татарстан Республикасы Иҗтимагый палатасы тыңлаулары булды. Утырышта Татарстан Республикасы сәнәгать һәм сәүдә министры урынбасары Рашат Фәттахов доклад белән чыгыш ясады.

Докладта сүз Татарстан Республикасы кулланучылар базары үсешенең төп йомгаклары һәм "Россия Федерациясендә сәүдә эшчәнлеген дәүләт җайга салуы нигезләре турында" Федераль законны республикада гамәлгә ашыру барышы хакында барды.

Татарстан Республикасының Сәнәгать һәм сәүдә министрлыгы законга үзгәрешләр һәм өстәмәләр кертү хакындаТатарстан Республикасы Иҗтимагый палатасы исеменнән Россия Федерациясенең сәнәгать  һәм сәүдә министрлыгына, Татарстан Республикасы Дәүләт Думасына түбәндәге тәкъдимнәр җибәрү турында тәкъдим кертте:

  1. Күпләү сатуны һәм азык-төлек булмаган товарлар сатуны җайга салу өлешендә законны эшләп бетерергә.

  2.  Россия Федерациясе субъектларының башкарма хакимият органнарына шәхси милектә булган җир кишәрлекләрендә, биналарда, корылмаларда урнашкан стационар булмаган сәүдә объектларының урнашу тәртибен билгеләү хокукы бирергә.

  3. Сәүдә реестрын формалаштыру өчен хуҗалык итү субъектларының белешмәләр бирүен таләп итүне карарга.

  4. Сәүдә реестрына кертү тәртибен гадиләштерергә һәм  эшкуарлар тарафыннан бирелә торган белешмәләр исемлеген кыскартырга.

  5. Продукцияне тәкъдим итүнең барлык этапларында (җитештерү, күпләп алу, ваклап сату) бәяләрне җайга салу өлешендә законга үзгәрешләр кертергә.
Тыңлаулар барышында Татарстан Республикасы Иҗтимагый палатасы әгъзаларының тәкъдимнәре һәм искәрмәләре каралды.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнарның мөрәҗәгатьләре белән эшләү
Адрес: 420111, Казан шәһәре, Островский урамы, 4
Телефон: +7(843) 567-36-73 (72,74 ) - отдел делопроизводства и контроля, +7(843) 210-05-01 (министр)
E-Mail: mpt@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International