ЯҢАЛЫКЛАР
22 апрельдә авиатөзелештә һөнәри осталык буенча Берләшкән авиатөзелеш корпорациясенең Х ачык корпоратив чемпионатын ачу тантанасы узды. Чарада Татарстан сәнәгать һәм сәүдә министрының беренче урынбасары Родион Карпов катнашты.
Быел чемпионат ОАК һәм С.П. Горбунов исемендәге Казан авиация заводы - «Туполев» АҖ филиалы ярдәме белән 23 апрельдән 25 апрельгә кадәр Казан радиомеханика көллияте базасында уза.
Ачылу тантанасында Родион Карпов предприятие коллективына персоналның квалификациясен үстерү һәм даими үсеш буенча алып барылган эше өчен рәхмәт белдерде һәм конкурсантларга уңышлар теләде.
«ОАКның Казан авиация заводына тугыз компетенцияле 250дән артык конкурсант һәм эксперт катнашачак һөнәри осталык корпоратив чемпионатын оештыруны һәм үткәрүне ышанып тапшыруы куанычлы, – диде Родион Карпов. – Әлеге конкурс иң әһәмиятле һәм якты корпоратив вакыйгаларның берсе булып тора, аның максаты – эшче һөнәрләрне популярлаштыру, үз тармакларында иң яхшы белгечләрне ачыклау».
22-24 апрельдә Үзбәкстан Республикасында, Ташкентта «ИННОПРОМ. Үзәк Азия» халыкара сәнәгать күргәзмәсе уза. Күргәзмәдә Татарстан стенды тәкъдим ителә, анда үз продукциясен 35тән артык компания тәкъдим итәчәк, болар – Эйдос, КЭР-Холдинг, КМПО, Таткабель заводы, Казан вертолет заводы, Нәфис Косметикс, КИП-Мастер, «Химград» технополисы һәм башкалар.
Күргәзмә кысаларында Россия Хөкүмәте Рәисе урынбасары, сәнәгать министры Денис Мантуров, Үзбәкстан Премьер-министры урынбасары Жамшид Ходжаев, Татарстан Рәисе Рөстәм Миңнеханов катнашында «ИННОПРОМ. Үзәк Азия» пленар сессиясе узды. Чарада шулай ук ТР Премьер-министры урынбасары – сәнәгать һәм сәүдә министры Олег Коробченко катнашты.
Сәүдә-икътисадый күрсәткечләр үсеше Татарстанның Үзбәкстанның кайбер төбәкләре белән элемтәләрен үстерү, Татарстанның әйдәп баручы компанияләре һәм оешмалары линиясе буенча хезмәттәшлек итү аркасында мөмкин булган. ТР Рәисе Үзбәкстанда Татарстан белән берлектә гамәлгә ашырыла торган төп зур проектларны мисал итеп китерде. Бу Чирчик химия-индустриаль технопаркы, КФУның Җиззәхтәге филиалы, Җиззәх технопаркы, КФУ филиалының Симуляция медицинасы үзәге. Бүген Бохара һәм Навои өлкәләрендә сәнәгать мәйданчыклары булдыру буенча эш алып барыла.
«Без Үзбәкстан белән хезмәттәшлекне киңәйтү мөмкинлеген югары бәялибез», – дип мөрәҗәгать итте Рөстәм Миңнеханов катнашучыларга. Ул ассызыклаганча, бу ике ил президентларының аерым казанышы.
Сессиядә чыгыш ясаганда, Россия Сәнәгать һәм сәүдә министрлыгы башлыгы Денис Мантуров Үзбәкстанда Татарстан белән берлектә «Химград» технополисы катнашында ачылган «Чирчик» һәм «Җиззәх» технопаркларының уңышларын билгеләп үтте. Әлеге индустриаль мәйданчыклар Үзбәкстанда Россия компанияләре өлешен арттыру өчен булдырылган.
19 апрельдә Татарстан делегациясе Премьер-министр урынбасары – республиканың сәнәгать һәм сәүдә министры Олег Коробченко җитәкчелегендә эш визиты белән Сөрхандәрья өлкәсенә (Үзбәкстан Республикасы) килде.
Визит барышында делегация Үзбәкстанның Сөрхандәрья өлкәсе хәкимы Олугбәк Касыймов һәм «Термез Карго үзәге» логистик үзәге вәкилләре белән очрашты, «Айрит» ирекле сәүдә зонасы эшчәнлеге белән танышты. Моннан тыш, ике яклы визитлар барышында ирешелгән килешүләрне гамәлгә ашыру һәм алга таба хезмәттәшлек перспективалары буенча сөйләшүләр үткәрү планлаштырыла.
Өстәвенә, Татарстан делегациясе Үзбәкстан Республикасына Ташкентта «ИННОПРОМ. Үзәк Азия» халыкара сәнәгать күргәзмәсендә катнашу өчен килде. Татарстан – күргәзмәнең рәсми партнеры.
«Аммоний» химия комплексында КАС-32 сыек ашламаларының беренче тәҗрибә партияләре чыгарыла башлады.
Бүгенге көндә җитештерү куәте тәүлегенә 200 тоннага кадәр продукция җитештерү мөмкинлеген бирә. 2024 ел ахырына планлы җитештерүчәнлеккә елына 150 мең тоннага чыгарга планлаштыралар.
Март ахырында сыек ашламалар җитештерү комплексында төп төзелеш-монтаж эшләре тәмамланган һәм эшләтеп җибәрү-көйләү эшләре башланган. Продукция барлык кирәкле экспертизаларны узып, барлык кирәкле сертификатлар һәм сыйфат паспортларын алган. Карбамид-аммиак катнашмасы – сыек ашлама, ул үсемлекләрне барлык кирәкле элементлар һәм, беренче чиратта, азот белән нәтиҗәле туендыра.
КАС-32нең төп өстенлеге булып һава шартларыннан, яңгырлардан яки корылыктан бәйсезлек, тигез кертелүе һәм үсемлекләр тарафыннан тиз үзләштерелүе санала.
Сыек ашламалар җитештерүне башлап җибәрү республиканың авыл хуҗалыгы продукциясе тупланмасын арттырырга ярдәм итәчәк.
Алар яңа эшчеләрнең адаптация вакытын кыскартырга, хезмәткәрләрне укыту эффективлыгын арттырырга һәм эш урынында җитештерү югалтуларын киметергә ярдәм итәчәк.
Үзәкләр Казанда «Кип-Сервис» компанияләр төркеме ҖЧҖ һәм Бөгелмәдә «Инженер-җитештерү үзәге» ҖЧҖ территориясендә «Хезмәт җитештерүчәнлеге» илкүләм проекты кысаларында ачылачак.
Киләсе атнадан ук Күнекмәләрне һәм һөнәрләрне үстерү агентлыгы экспертлары коллективлар белән эшли башлаячак. Ярты ел эчендә һөнәрләрнең корпоратив стандартларын эшләячәкләр, эш урыннары аудитын үткәрәчәкләр, әзерлек һәм квалификация күтәрү программасын булдырачаклар.
Илкүләм проект сайты: производительность.рф
ТР ТКҮ сайты: ppt.tatarstan.ru/
ТР ТКҮ Тг-каналы: t.me/rck_tatarstan
17 апрельдә Татарстан делегациясе Премьер-министр урынбасары – республиканың сәнәгать һәм сәүдә министры Олег Коробченко җитәкчелегендә Әзербайҗан Республикасы һәм Татарстан Республикасы арасында сәүдә-икътисади, фәнни-техник һәм мәдәни хезмәттәшлек буенча Хөкүмәтара комиссиянең дүртенче утырышында катнашты.
Моннан тыш Татарстан делегациясе түбәндәгеләр белән очрашты:
- Әзербайҗанның икътисад министры Микаил Чыңгыз углы Җаббаров;
- кече һәм урта бизнесны үстерү агентлыгы вәкилләре;
- Алят ирекле икътисадый зонасы вәкилләре.
17 апрельдә Татарстан Республикасы сәнәгать һәм сәүдә министры урынбасары Герман Лернер җитәкчелегендә Эфиопия Федератив Демократик Республикасында РФ Сәүдә вәкиле Ярослав Тарасюк белән онлайн-очрашу узды. Чарада Татарстанның 30дан артык компаниясе катнашты.
16-17 апрельдә Татарстан делегациясе Премьер-министр урынбасары – сәнәгать һәм сәүдә министры Олег Коробченко җитәкчелегендә Әзербайҗан Республикасында сәфәрдә. Делегация составына республика министрлыклары, ведомстволары һәм предприятиеләре вәкилләре керде.
15 апрельдә Татарстан Премьер-министры урынбасары – сәнәгать һәм сәүдә министры Олег Коробченко «Казансельмаш» ҖЧҖнең 8 нче ОТК цехының җитештерү-склад бинасын ачуда катнашты.
Предприятие авыл хуҗалыгы өчен машиналар һәм җиһазлар җитештерә. Шулай ук Россия территориясендә чыгарылмаган комплектлау материаллары җитештерүне үзләштерү буенча актив эш алып бара. Үзйөрешле һәм тагылмалы сиптергечләрне җыю өчен кирәкле берничә продукт эшләнгән һәм производствога кертелгән: тормоз суппорты, кул тормозы суппорты, үзәктән кудыручы су насосы һ.б.
Олег Коробченко пыяла-пластик әйберләр җитештерү өчен мастер-модельләр ясау буенча биш күчәрле ЧПУ станогы эше белән танышты. Моннан тыш, аңа импортны алмаштыру программасы буенча эшләнгән комплектлаучы детальләрне дә күрсәттеләр.
17 апрельдә 10:00 сәгатьтә Татарстанның Сәнәгать һәм сәүдә министрлыгы Эфиопия Федератив Демократик Республикасында РФ Сәүдә вәкиле Тарасюк Ярослав Викторович белән онлайн-очрашу үткәрәчәк.
Кызыксынган затларны видеоконференция форматында чарада катнашырга чакырабыз.
Катнашучылар турында мәгълүмат һәм фикер алышу өчен сораулар әлеге почта адресына кабул ителә: Renata.S@tatar.ru, телефон: +7 (843) 567-36-83