ЯҢАЛЫКЛАР

Казан дәүләт энергетика университеты 21 апрельдә «Казан Экспо» халыкара күргәзмәләр үзәгендә башланган Энергия ресурсларының нәтиҗәлелеге һәм экология буенча Татарстан халыкара форумы кысаларында Яшьләр көнен оештыруда актив катнашты.

Бу көнне чараларның максатчан аудиториясе югары уку йортлары студентлары, өлкән сыйныф укучылары, яшь галимнәр һәм белгечләр, экспертлар, энергетика компанияләре лидерлары, академия җәмәгатьчелеге вәкилләре булды. Экспертлар сыйфатында энергетика тармагы, министрлыклар, ведомстволар һәм һөнәри берләшмәләр белгечләре чыгыш ясады.

Татарстан Республикасы Хөкүмәте исеменнән Яшьләр көнендә катнашучыларны һәм кунакларны Татарстан Республикасы сәнәгать һәм сәүдә министры урынбасары Марат Миңнебаев сәламләде. Ул билгеләп үткәнчә, республика һәм бөтен Россия энергетикасы бик кызыклы вакыт кичерә – трансформация процессы бара. Министр урынбасары искәртеп узганча, тармак электр һәм җылылык энергиясен җитештерүнең традицион формаларыннан альтернатив рәвешкә күчә – җил энергетикасы, кояш энергетикасы үсә, электр энергиясен термоядер синтезы юлы белән алу буенча актив эш алып барыла.

Министр урынбасары билгеләп үткәнчә, ТЭФ инициаторы һәм анда актив катнашучыларның берсе – энергетика өлкәсендә бик көчле фәнни юнәлешләргә ия булган КДЭУ.

Яшьләр көне кысаларында мәктәп укучылары һәм студентлар өчен тематик мастер-класслар һәм конкурслар узды. Әлеге чараларны оештыруда КДЭУ катнашты. Шулай итеп, «Try-a-Skill» («Үзеңне сына!») мастер-класс мәйданчыгында һәм «Энергетикага багышлау» интерактив уенында балалар уен формасында һөнәр белән танышты һәм экспертлар ярдәмендә үз куллары белән альтернатив энергия чыганакларында электр станцияләре макетларын ясарга өйрәнделәр.

«Энергияне саклау – мөһим күнекмә» интерактив уенында төрле белем һәм төрле белгечлеккә ия булган яшьләр командалары энергетика өлкәсендә инженер кейсларын бергә хәл итә белүдә көч сынашты, идеяләре һәм белемнәре белән уртаклашты. Өстәвенә, бурычлар төрле иде: бик гадидән башлап бик катлаулылары да бар иде. Әйтик, идарәче компания пенсионер ханымнан, батареялар җылытмый, дигән шикаять ала, һәм команда проблеманы ничек бетерергә кирәклеген билгеләргә тиеш. Глобаль бурыч – электростанция төзү планлаштырылган конкрет төбәк өчен иң оптималь энергия чыганагын сайлау. Җил тегермәннәре? Кояш генераторлары? Атом реакторлары? Яки традиционрак берәр нәрсәме?  Ә «Идея кабыз« воркшобында тыңлаучылар идеяне ничек итеп бизнеска әйләндерергә, бу юлда нинди авырлыклар очрый һәм аларны ничек җиңәргә кирәклеген белделәр.

Олылар өчен оештыручылар «түгәрәк өстәлләр» һәм семинарлар туплады, аларда шулай ук КДЭУ вәкилләре катнашты.

ТЭФ кысаларында өч көн дәвамында «Энергетика. Ресурсны саклау» махсус күргәзмәсе эшләячәк, форум кунакларына энергиянәтиҗәле һәм ресурсларны сак куллана торган технологияләрне алга этәрү, төбәкара һәм халыкара хезмәттәшлекне үстерү, бизнес бергәлекләре, галимнәр һәм федераль һәм төбәкләрдәге хакимият органнары вәкилләре арасында эксперт фикерләре белән уртаклашу өчен уникаль мөмкинлек бирәчәк, энергетика нәтиҗәлелегенең алга таба стратегиясе турыдан-туры алар инициативасына һәм карарларына бәйле булачак.

Үз экспозицияләрен 80 артык Россия компаниясе тәкъдим итә, шул исәптән, «Сетевая Компания» ААҖ, «Татэнергосбыт» АҖ, «Татнефть» ГАҖ, «ТАИФ» АҖ, «Чабаксар электроаппарт заводы» АҖ, «ЭТИ Электроэлемент» ҖЧҖ, «Энсто Рус» ҖЧҖ, «ВОГЕЗЭНЕРГО» ҖЧҖ, «Коренев түбән вольтлы аппаратура заводы» АҖ, «Чабаксар электр аппараты заводы» АҖ, «Нева «Волхов» трансформатор заводы» ҖЧҖ, «Михнев электр эшләнмәләре заводы» АҖ һәм башкалар. Күргәзмәдә беренче тапкыр электромобильләр өчен заряд станцияләре аерым блок белән тәкъдим ителде һәм «ЗЭТЗ» ҖЧҖ, «Промэнерго» ҖЧҖ, «ТАЧ Продакшн» ҖЧҖ, «Энергоразвитие» ИК ҖЧҖ компанияләреннән электрокарлар экспозициясе җәелдерелде.

КДЭУның күргәзмә павильонында уникаль җиһазлар һәм технологияләр тәкъдим ителгән – «акыллы» ятмалар өчен мәгълүмат тапшыруның чыбыксыз системаларын һәм идарә итүнең адаптив системасын кулланып, нефть суырта торган станоклар өчен Россиянең югары нәтиҗәле синхрон двигательләре базасындагы электр үткәргечләр сериясе; җылылык белән тәэмин итү системасының электрон моделе нигезендә Азнакай блок-модульле котельныен төзүнең максатка ярашлы булуына техник-икътисадый бәя; электр үлчәү лабораториясе, шулай ук Инжиниринг үзәге.

Татарстанның DBC компаниясе хезмәткәре Михаил Клюкин бер үк вакытта КДЭУның вибродиагностика лабораториясе мөдире вазыйфасын да үти. Югары уку йорты павильонында ул вибродиагностика һәм лазер үзәге өчен җиһазлар урнаштырылган стендлар тәкъдим итә.

Форум программасы ахырында «Без энергетика нәтиҗәлелеген сайлыйбыз – 2021» яшьләр инициативалары республика конкурсында җиңүчеләрне бүләкләү тантанасы булды. «Энергетика нәтиҗәлелеген арттыру һәм энергияне саклау буенча иң яхшы инженер-техник чишелеш» номинациясендә Казан дәүләт энергетика университетын тәмамлаган – Казан биохимия һәм биофизика институты аспиранты Анастасия Макарова «Табигый биополимерлар һәм углерод нанотрубкалары нигезендә гидрогельләр – авыр чыгарыла торган нефтьне чыгару өчен перспектив технологик компонентлар» эше һәм КДЭУ аспиранты Артем Водениктов – «Җылылык электростанцияләрендә конденсатны деаэкрацияләү өчен парны кабат куллану» технологиясе авторы җиңүче булдылар.

2021 елның 21 апреленнән 23 апреленә кадәр «Казан Экспо» халыкара күргәзмәләр үзәге территориясендә 21 нче халыкара махсуслаштырылган «Энергетика. Ресурсларны сак тоту» халыкара күргәзмәсен һәм фәнни-техник конференцияләр, түгәрәк өстәлләр, эксперт секцияләре, энергетика нәтиҗәлелеген арттыру һәм энергияне сак тоту өлкәсендә инновацияле алымнарга бәйле актуаль темаларга семинарлар белән зур эшлекле программаны берләштергән «Энергия ресурсларының нәтиҗәлелеге һәм экология буенча Татарстан халыкара форумы – 2021» чарасы узачак.

«Энергетика. Ресурсларны сак тоту» күргәзмәсе үз эшендә катнашучыларга һәм кунакларга энергияне нәтиҗәле һәм энергияне сак тотучы технологияләрне алга җибәрү, төбәкара һәм халыкара хезмәттәшлекне үстерү, бизнес-бергәлекләр, галимнәр һәм федераль һәм төбәк хакимият органнары вәкилләре өчен эксперт тәҗрибәләре белән уртаклашу өчен мөмкинлек бирәчәк, энергетика нәтиҗәлелеге буенча алга таба стратегия аларның инициативасына һәм карарларына бәйле булачак.

Күргәзмәдә энергетика, сәнәгать, торак-коммуналь хуҗалык буенча әйдәүче белгечләр һәм экспертлар, энергетика агентлыклары һәм энергияне сак тоту һәм ресурслар нәтиҗәлелеге үзәкләре вәкилләре, әлеге өлкәдә гомумтанылган лидер булып торучы галимнәр һәм тәҗрибә вәкилләре, министрлыклар, ведомстволар, комитетлар һәм департаментлар хезмәткәрләре, Татарстан Республикасы администрацияләре башлыклары, Россия Федерациясе төбәкләре җитәкчеләре катнаша.

Күргәзмә проекты энергетика тармагының актуаль мәсьәләләре буенча фикер алышу, эшлекле сөйләшүләр алып бару, икътисадый яктан отышлы партнерлык мөнәсәбәтләре урнаштыру һәм озак сроклы килешүләр төзү өчен нәтиҗәле бизнес-мәйданчык булып тора.

«Энергетика. Ресурсларны сак тоту» күргәзмәсендә 80 артык Россия компаниясе катнаша, алар арасында: «Сетевая Компания» ААҖ, «Татэнергосбыт» АҖ, «Татнефть» ГАҖ, «ТАИФ» АҖ, «Чебоксар электроаппарт заводы» АҖ, «ЭТИ Электроэлемент» ҖЧҖ, «Энсто  Рус» ҖЧҖ, «ВОГЕЗЭНЕРГО» ҖЧҖ, «Коренев түбән вольтлы аппаратура заводы» АҖ, «Чебоксар электроаппарат заводы» АҖ,  «Волхов» Нева трансформатор заводы» ҖЧҖ, «Михнев электр эшләнмәләре заводы» АҖ һәм башкалар.

Күргәзмәдә энергетика комплексы предприятиеләренең нәтиҗәле һәм имин эшен тәэмин итүче заманча материаллар, җиһазлар һәм технологияләр күрсәтеләчәк.

Күргәзмәдә беренче тапкыр аерым блок белән электромобильләр өчен заряд станцияләре күрсәтеләчәк һәм «ЗЭТЗ» ҖЧҖ, «Промэнерго» ҖЧҖ, «ТАЧ Продакшн» ҖЧҖ, «Энергоразвитие» ҖЧҖ ИК компанияләреннән электромобильләр экспозициясе җәелдереләчәк.

Энергия ресурсларының нәтиҗәлелеге һәм экология буенча Татарстан халыкара форумы ел саен мәйданчыкның статусын раслый, анда тармакны үстерү трендлары билгеләнә, гамәли характердагы мәсьәләләр хәл ителә.

Ел саен Форум кысаларында «Энергонәтиҗәле җиһазлар һәм технологияләр» конкурсы уза, ул инновацияле ресурсларны саклаучы технологияләр, җиһазлар һәм материаллар чыгаруны киңәйтү өлкәсендә «Татарстан Республикасында энергияне сак тоту һәм энергетика нәтиҗәлелеген арттыру» дәүләт программасын гамәлгә ашыруның чираттагы этабы булып тора.

Күргәзмәнең киң экспозициясе һәм бай эш программасы компанияләргә яңалыклар һәм технологияләр тәкъдим итәргә, энергетика тармагын үстерү мәсьәләләре буенча фикер алышуда катнашырга, эшлекле сөйләшүләр алып барырга, яңа бизнес-партнерлар табарга, шулай ук отышлы контрактлар төзергә мөмкинлек бирәчәк. Белгечләр үзләре өчен төрле тармаклардагы энергетика өлкәсендәге актуаль сорауларга әзер чишелешләр һәм җаваплар таба алачак. Проект энергетика базарындагы барлык уенчыларның конструктив диалогы өчен мөмкинлекләр тудыра, республиканың инвестиция климатына уңай йогынты ясый.

Сезне 2021 елның 21 апреленнән 23 апреленә кадәр «Энергия ресурсларының нәтиҗәлелеге һәм экология буенча Татарстан халыкара форумы – 2021» чарасында катнашырга чакырабыз.

2021 елның I квартал йомгаклары буенча хезмәт җитештерүчәнлеге өлкәсендә Татарстан Республикасының Төбәк компетенцияләр үзәге Россия Федерациясенең региональ компетенцияләр үзәкләре рейтингында, 8,3 балл җыеп, II урынны алып тора.

Татарстан Республикасы Хезмәт, халыкны эш белән тәэмин итү һәм социаль яклау министрлыгы «Хезмәт җитештерүчәнлеге» илкүләм проекты структурасына керүче «Предприятиеләрдә хезмәт җитештерүчәнлеген арттыруга адреслы ярдәм» федераль проекты чараларын төп башкаручы булып тора.

Гадәттәгечә, квартал саен рейтингны төзегәндә, ким дигәндә, 10 ай эшләгән региональ компетенцияләр үзәкләре катнаша. Бүген бу Россия Федерациясенең 32 субъектыннан төбәкләрдәге компетенцияләр үзәкләре.

Бүгенге көндә «Хезмәт җитештерүчәнлеге» илкүләм проектында Татарстан Республикасының ТКҮ ярдәме белән 52 предприятие катнаша. Агымдагы елда Татарстан Республикасы ТКҮ «Хезмәт җитештерүчәнлеге өлкәсендә федераль компетенцияләр үзәге» АКО сертификациясен Россиядә беренчеләрдән булып узды.

Татарстан предприятиеләре тарафыннан «производительность.рф» сайтында «Катнашу булырга» дигән 200 гариза тапшырылган, шулардан 114 республика предприятиесе, катнашучы булып, Татарстан Республикасы Сәнәгать һәм сәүдә министрлыгы белән инде килешү төзеде.

«Хезмәт җитештерүчәнлеге» илкүләм проектын гамәлгә ашыру кысаларында сакчыл технологияләр куллану инструментларына 1 778 предприятие-катнашучы укытылган, 52 үрнәк агым булдырылган, алар җитештерү һәм/яки ярдәмче процессларны оптимальләштерүнең нәтиҗәсе булып тора. Шуларның 32се – Татарстан Республикасы ТКҮ, 20се – җәлеп ителгән консультантлар ярдәмендә.

2020 елда «Процесслар фабрикасы» булдырылган һәм сертификацияләнгән, тренингларны алып бару өчен мәйданчыкта 4 тренер белем алган. Аның эше чорында 600 артык кеше белем алган.

Исегезгә төшерәбез, «Хезмәт җитештерүчәнлеге» илкүләм проекты Россия Федерациясе Президенты Владимир Владимирович Путинның 2018 елдагы май указын үтәү йөзеннән эшләнгән һәм илдә хезмәт җитештерүчәнлеген өзлексез үстерү өчен шартлар тудыруга юнәлдерелгән. Моның өчен бизнеска дәүләт ярдәме чаралары комплексы эшләнгән, ул эшчәнлек процессларын оптимальләштерүдә финанс яктан этәргеч бирү, эксперт ярдәме, илкүләм проект предприятиесенең цифрлы экосистемасына онлайн-сервислар кертү, WorldSkills белгечләрен һәм инфраструктурасын җәлеп итеп, рационализаторлар хәрәкәтен формалаштыруны үз эченә ала.

Рейтинг нәтиҗәләре белән «Производительность.РФ» ИТ-платформасында Илкүләм проект – ТКҮ рейтингы бүлегендә танышырга мөмкин.

Эшкәртүгә тапшырылган калдыклар күләме 2019 елгы күрсәткечләрдән ике тапкыр артып киткән. Шул ук вакытта предприятие 130 мең тонна агач калдыкларын мөстәкыйль рәвештә утильләштергән.

Компания белгечләре исәпләп чыгарганча, 2020 елда Kastamonu махсус оешмаларга 700 тоннага якын полиэтилен һәм пластик, кәгазь һәм катыргы, шулай ук кара һәм төсле металл калдыкларын эшкәртүгә җибәргән. Моннан тыш, җитештерүдә 130 мең тонна агач калдыгы утильләштерелгән. Заводта урнаштырылган җиһазлар компаниягә агач калдыкларын экологиягә зыян китермичә, мөстәкыйль яндырырга мөмкинлек бирә. Бу табигый ресурсларны янга калдырырга ярдәм итә, чөнки эшкәрткәндә алынган энергия җитештерү процессларында кулланыла.

«Производствода төп бурыч – сәнәгый калдыкларны киметү. Моның өчен Kastamonu заводында барлык кирәкле шартлар тудырылган: һава һәм су чистартуның югары класслы системалары урнаштырылган, калдыкларны аерым җыю һәм эшкәртүгә җибәрү практикасы гамәлгә кертелгән. Болар барысы да табигый ресурсларны янга калдырырга һәм әйләнә-тирә мохиткә йогынтыны киметергә мөмкинлек бирә», – дип билгеләп үтте Kastamonu заводының Россиядәге генераль директоры Али Кылыч.

Җитештерү яңа буынның чистарту корылмалары белән җиһазландырылган, шул исәптән техник су әйләнешенең йомык циклын тәэмин итә торган күп баскычлы чистарту системасына да ия. Эшләнелгән юынты сулар берничә чистарту стадиясен уза – механик, химик һәм биологик, шуннан соң янә технологик процесста кулланыла. Бу табигый ресурсларны янга калдырырга һәм агынты суларны бүлеп бирүне киметергә мөмкинлек бирә.

Рециклинг системасы, калдыкларны эшкәртүгә җибәрү һәм мөстәкыйль утильләштерү – Kastamonu заводында күп планлы экологик сәясәтнең бер өлеше. Аңа шулай ук табигать саклау чараларын финанслау, Россиянең WWF белән хезмәттәшлек итү, урманнар белән җаваплы идарә итү һәм урман сертификациясе (FSC һәм PEFC) идеяләрен алга этәрү дә керә.

«Соллерс Форд» Алабугада двигательләр заводын эшләтеп җибәрүгә әзерләнә һәм персоналны кабул итә башлый.  Заводның планында – Ford Motor Company бөтендөнья стандартлары буенча Ford Transit коммерцияле автомобильләре линейкасы өчен дизель двигательләре чыгару.

Заводны эшләтеп җибәрү – катлаулы процесс, ул югары профессиональ команда эшен таләп итә. Башлангыч этапта автопромда эшләү һәм проектларны эшләтеп җибәрү тәҗрибәсе булган тар профильле квалификацияле белгечләр командасы формалаштырылачак. Аларга барлык җитештерү һәм логистика чылбырларын төзергә, шулай ук Ford Motor Company стандартларына туры китереп, производствоны технологик яктан әзерләүнең барлык этапларын үтәргә туры киләчәк. Монда җиһазларны проектлау, әзерләү, эшләтеп карау-җайлау һәм кабул итү һәм җиһазландыру этаплары керә.

Двигательләр заводы Ford Transit автомобильләре җитештерүгә якын урнашкан һәм 42600 кв. м мәйдан били. Предприятие Ford Motor Company дөнья стандартлары нигезендә җитештерүне 95% кадәр автоматлаштырып, җитештерүчәнлек, экологик һәм куркынычсызлык таләпләренә җавап бирә торган алдынгы, югары технологияле җиһазлар белән тәэмин ителгән.

Хәзерге вакытта Алабугада двигательләр заводына түбәндәге белгечлекләр буенча хезмәткәрләр җыела: әйдәп баручы инженер-технолог, инженер-технолог, инструмент буенча инженер-технолог, технологик җиһазларны планлаштыру һәм проектлау буенча инженер, җиһазлар буенча инженер, ДВС тестлау буенча әйдәп баручы инженер-технолог, тәэмин итү һәм таможня рәсмиләштерү челтәрләре белән идарә итү буенча әйдәп баручы белгеч, эчке логистика һәм материаллар төрү буенча әйдәп баручы белгеч, ЧПУлы станоклар ремонтлау һәм аларга хезмәт күрсәтү буенча инженер.

Ford Transit – LCV сегментында иң кирәкле автомобильләрнең берсе. Клиентлар сайлау һәм уңай мөнәсәбәт белән бәйле кайбер мөһим өстенлекләр автомобильнең сыйфаты һәм ышанычлылыгы, ия булуның LCV  сегментында иң арзанлы – түбән бәясе, техник хезмәт күрсәтүне кулай бәядән уздыру мөмкинлеге белән, рәсми дилер челтәрендә югары дәрәҗәле сервис хезмәте күрсәтү һ.б.

Алабугададагы «Соллерс Форд» заводында Ford Transit тулы цикл технологиясе белән җитештерү эше көйләнгән, бу Россия сатып алучыларына тулысынча кастомизацияләнгән һәм Россия шартларында эксплуатацияләүгә яраклаштырылган заманча продукт тәкъдим итәргә мөмкинлек бирә. База версияләре линейкасында тоташ металл фургон, автобус һәм шасси бар, автомобильләргә базаның өч озындыгындагы вариантлар буенча, түбәсенең биеклеге буенча ике вариантта һәм, тулы приводны да кертеп, барлык төр приводларда заказ бирергә мөмкин. Бүгенге көндә Ford Transit базасындагы автомобильләрнең махсус версияләренең тулы гаммасында махсус һәм социаль билгеләнештәге 141 төрле модификация бар, ул тулылана бара.

Эшлекле кешеләр берлеге, РФ Икътисади үсеш министрлыгы һәм «Минем бизнес» проекты белән берлектә, «AdvantShop» компаниясе ярдәме белән «iShopStart – Нульдән башлап интернет-кибет ачу» түләүсез онлайн-интенсивын башлап җибәрә.

26 апрельдән 30 апрельгә кадәр узачак интенсив чара кысаларында программа спикерлары видеодәресләр үткәрәчәк, катнашучыларга өй биремнәрен бирәчәк һәм махсус оештырылган чатта килеп туган барлык сорауларга җавап бирәчәк.

Катнашу – бушлай!

Сезне көтә:

• Үз интернет-кибетеңне оештыру өчен 5 көн
• 5 вебинар һәм өй биремнәре
• Проектны оештыру өчен барлык инструментлар
• Катнашучыларга онлайн ярдәм итү чаты

«iShopStart»  онлайн-интенсив программасы 26 апрель. 11:00 – 13:00.

Интернет-сәүдә нигезләре, үз урыныңны сайлау, тест рәвешендә кибетне эшләтеп җибәрү.

• Интернет сәүдә нигезләре
• Интернет-кибет оештыру картасы.
• Үз урыныңны ничек сайларга.
• Эш башлаганда хуҗаларның төп хаталары һәм аларны ничек булдырмаска.
• Тар кысалы/монобрендлы кибетме яисә барысы да бергәме?

27 апрель. 11:00 – 13:00.

Тәэминатчы сайлау, тэминатчы белән эш оештыру. Килешүләр, юридик аспектлар.

• Тэминатчыны кайдан эзләргә һәм нәрсә сорарга
• Тәэмин итүчеләр белән эшләү схемалары
• Товарлар каталогын булдыру ысуллары
• Тәэмин итүчеләр һәм сатып алучылар белән килешүләр төзү үзенчәлекләре
• Шәхси эшкуар яки ҖЧҖ? Сайтта нәрсә язарга кирәк? Килешүләр белән эшләү, килешү-оферта.

28 апрель. 11:00 – 13:00.

Advantshop платформасында интернет-кибет оештыру

• Товарлар кертү, ниндиләре була
• Интеграция, ниндиләре була, нигә кирәк
• Сату каналлары – ничек итеп күбрәк сатарга.
• Түләүләрне кабул итү һәм илтеп бирү системаларын күзәтү

29 апрель. 11:00 – 13:00.

Маркетинг төргәге. Финанслар, бизнес планлаштыру.

• Финанслар, бизнес планлаштыру.
• Маркетинг төргәге һәм интернет-кибет концепциясе
• Маркетинг ягыннан интернет-кибетне төргәкләү
• Баш исемнәр, интернет-кибеттә контент белән эшләү
• Видео һәм фотолар

30 апрель. 11:00 – 13:00.

Реклама стратегиясе. Сату бүрәнкәсе.

• Сату каналларына күзәтү
• Нинди реклама платформаларыннан файдалануы яхшырак
• Аналитиканы ничек тупларга, счетчиклар һәм пиксельләр нәрсә ул
• Онлайн-сату бүрәнкәләре хисабына икътисадны ничек яхшыртырга
• Нинди реклама стратегиясе нәтиҗәле

Ул ничек булачак:

1,5-2 сәгатьлек вебинарлар + 10 минут сорауларга җаваплар, өй биремнәре бирү. Икенче һәм аннан соңгы көннәрдә вебинар бер өй биремен тикшерүдән башланачак.

Катнашучылар өчен ярдәм чаты Интернет-кибет оештыру өчен түләүсез инструментлар. Үткәрү даталары: 26-30 апрель көннәре.

​Спикерлар:

• Илья Тимошин, Эшлекле кешеләр берлеге президенты
• Камил Кәлимуллин, эшкуар, CEO Advantshop, онлайн-сатулар буенча эксперт, 5000нән артык клиентка ярдәм иткән.
• Александр Айкхофф, интернет-кибетләр һәм бүрәнкәләр функционалы һәм аларны алга этәрү эксперты, 3 000 артык клиентка үз бизнесларын Advantshop платформасында онлайн-сәүдәдә башлап җибәрергә ярдәм иткән
• Юрий Антонов, интернет-кибетләр төзү буенча эксперт, клиентларга Advantshop платформасында кибетләр һәм бүрәнкәләр ачарга булыша
• Гүзәл Бредихина, интернет-маркетолог, социаль челтәрләрдә алга этәрү буенча белем бирү программалары авторы

Тулырак мәгълүмат һәм теркәлү әлеге сылтама буенча:  https://s-d-l.ru/online-intensiv-ishopstart/202104?utm_source=mybiz

Бүген «Мираж» Казан кунакханәсе территориясендә Татарстан Республикасы тәэмин итүчеләре белән METRO Cash&Carry хезмәттәшлеге буенча конференция узды.

Чара барышында сәламләү сүзе белән Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов һәм METRO AG вәкиллеге башлыгы, корпоратив мөнәсәбәтләр буенча вице-президент Алексей Григорьев чыгыш ясады.

МЕТРО Cash&Carry компаниясе даими рәвештә Россиянең төрле төбәкләрендә берничә ел дәвамында конференцияләр үткәрә. Конференциянең төп максаты – җирле товар җитештерүчеләрне компаниянең ассортимент сәясәте, сыйфат стандартлары һәм үсешнең стратегик юнәлешләре белән таныштыру.

Конференция ике өлештән торды. Беренче өлеше – агымдагы стратегияне һәм METRO Cash&Carry өстенлекләрен тәкъдир итү, шулай ук компаниянең товар җитештерүчеләр белән хезмәттәшлегенең төп ысулларын тәкъдир итү; икенче өлеше – сатып алу сессиясе.

Чарада Татарстан Республикасында товар җитештерүче 50 артык компания катнашты.

Әлеге конференция үзара хезмәттәшлек итү, хезмәттәшлек проблемалары турында фикер алышу һәм аларның чишелешләрен эзләү мәсьәләләре буенча фикер алышу өчен уникаль мөмкинлек бирде.

«Воронежвторцветмет» ҖЧҖ компаниясе якындагы өч елда хезмәт җитештерүчәнлеген 30%ка арттырырга һәм икенчел алюминий эретмә җитештерү эшчәнлеген модернизацияләргә уйлый. 2021 елның март ахырында «Воронежвторцветмет» предприятиесе «Хезмәт җитештерүчәнлеге» илкүләм проектында катнашучы булган. Илкүләм проектны гамәлгә ашыру өч елга исәпләнгән. Татарстан Республикасы Төбәк компетенцияләр үзәге экспертлары турыдан-туры катнашкан очракта, актив фаза беренче алты ай эчендә уза.

«Воронежвторцветмет» ҖЧҖ, нигездә, продукциянең бер төрен генә җитештерә – бу икенчел алюминий эретмәләр, шуңа күрә ул сынау агымы буларак сайланган да инде. Сайланган сынау проекты мисалында киләчәктә предприятие үзенең камилләшү юлын дәвам итәчәк, бу исә аларны әлеге тармакның алдынгы предприятиеләре сафына чыгарачак. Хәзерге вакытта предприятиедә ТКҮ белгечләре проектның эш төркемен һәм предприятие җитәкчеләрен «Нәтиҗәле мәгълүмат үзәге», «Сакчыл җитештерү нигезләре», «Проектны гамәлгә ашыру методикасы», «Картировкалау», «Производство анализы», «Стандартлаштырылган эш» темалары буенча укытканнар инде, шулай ук предприятиедә эчке тренер сайланган, ул алга таба предприятие хезмәткәрләрен сакчыл җитештерү нигезләренә өйрәтәчәк. «Хезмәт җитештерүчәнлеге» илкүләм проектында катнашу предприятиенең озак сроклы, мөстәкыйль үсешен һәм проектның нәтиҗәләрен тиражлауны тәэмин итү өчен кирәк», – дип ассызыклаган предприятие директоры Роман Александрович.

Бүгенге көндә проектны тормышка ашыру – диагностика этабында. Агымдагы халәт өйрәнелгән, проблемалар билгеләнгән һәм цифрлаштырылган, максатчан хәлгә ирешү буенча чаралар планы эшләнгән һәм расланган. Статистика мәгълүматларын туплау өчен пресслау операцияләренә эш анализы кертелгән. Предприятиенең производствосы белән оператив идарә итү өчен шулай ук мәгълүмат үзәге дә эшләнә.

Бөтендөнья сәламәтлек саклау оешмасы инициативасы буенча Европада, шул исәптән Россия Федерациясендә һәм Татарстан Республикасында, 26 апрельдән 2 майга кадәр Европа иммунизация атналыгы үткәрелә.

Бүген Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов видеоконференцэлемтә режимында Удмуртия Республикасы вәкилләре белән очрашты.

Очрашу барышында яклар ике яклы сәүдә-икътисад хезмәттәшлеген үстерүгә юнәлтелгән багланышларның гамәлдәге форматлары, шулай ук төп уртак проектлар һәм инициативалар турында фикер алышты.

Киңәшмәдә Удмуртия Республикасы башлыгының Россия Федерациясе Президенты каршындагы даими вәкиле – Удмуртия Республикасы Хөкүмәте Рәисе урынбасары Михаил Хомич, Удмуртия Республикасы Хөкүмәте Рәисенең беренче урынбасары Константин Сунцов, Удмуртия Республикасы сәнәгать һәм сәүдә министры Виктор Лашкарев, Татарстан Республикасы Инвестиция үсеше агентлыгы җитәкчесе урынбасары Марина Епифанцева, «Татарстан Республикасы Дәүләт заказы агентлыгы» АҖ генераль директоры урынбасары Антон Валерьевич һәм Татарстан Республикасы Машина төзелеше кластеры идарәсе рәисе Сергей Майоров катнашты.

Шулай ук әлеге чара барышында Удмуртия Республикасының  («ИжСпецКомплект» ҖЧҖ («ПАККА» җитештерү берләшмәсе, «Новый дом» ҖЧҖ, «Промтехкомплект» ҖЧҖ һәм «Аксион» концерны» ҖЧҖ) һәм Татарстан Республикасының («Данекс» ҖЧҖ, «ТЭСК» ҖЧҖ) әйдәп баручы компанияләре вәкилләре, алга таба ике яклы хезмәттәшлек өчен, үзләренең продукциясен тәкъдир итте.

Видеоконференциядә катнашучылар чараның Татарстан Республикасы һәм Удмуртия Республикасы арасында сәүдә-икътисад элемтәләрен алга таба үстерү өчен берничә очрашу ачачагына өмет белдерде.