ЯҢАЛЫКЛАР

"Россия вертолетлары" холдингының Казан вертолет заводында (Ростех дәүләт корпорациясенә керә) яшьләр арасында "Һөнәре буенча иң яхшысы" исеменә һөнәри осталык конкурсына йомгак ясалды. 32 хезмәткәр бүләк алды.

КВЗның теләге булган һәр хезмәткәре үз көчен 7 компетенциядә сынап карый алган: "Авиация техникасы эшләнмәләрен җитештерү һәм җыю", "Электромонтаж", "Инженер-технолог", "Хезмәтне саклау", "Очу аппаратлары электр җиһазларын монтажлау", "Төркемле җитештерү" һәм "CAD инженер графикасы".

Экспертлар булып WorldSkills Hi-Tech сәнәгатенең югары технологияле тармакларының үтәли эшче һөнәрләре илкүләм чемпионатында катнашучылар катнашкан. Завод ярышлары өчен конкурс биремнәрен эшләгәндә WorldSkills стандартлары таләпләре исәпкә алынган, КВЗ даими рәвештә конкурсны камилләштерә, аны халыкара нормаларга яраклаштыра.

Конкурс нәтиҗәләре буенча беренче урыннарны Денис Сазыков ("Авиация техникасы эшләнмәләрен җитештерү һәм җыю"), Олег Солдатов ("Электромонтаж"), Руслан Кәримов ("Хезмәтне саклау"), Дарья Осокина ("Очу аппаратлары электр җайланмаларын монтажлау"), Азат Хисмәтуллин ("CAD инженер графикасы") яулаган.

"Төркемле җитештерү" компетенциясендә Илнур Фәхертдинов, Фәнис Гыйльмуллин, Владимир Григорьев һәм Сергей Егоров командасы җиңгән. "Инженер-технолог" компетенциясендә Руслан Гатауллин, Илнур Таналин, Ильяс Тимеров составындагы команда иң яхшысы дип табылган.

КВЗ, гадәттәгечә, кадрлар әзерләү дәрәҗәсен күтәрүгә, эшче һөнәрләрне һәм инженер белгечлекләрен популярлаштыруга юнәлдерелгән күп кенә чараларда катнаша. Завод белгечләре Казанда узган WorldSkills дөнья чемпионатында югары дәрәҗәдә әзерлек күрсәтте: 8 катнашучыдан һәм 1 эксперттан торган команда "Тормыш циклы белән идарә итү" компетенциясендәге ярышларда җиңү яулады.

"Вертолеты России" холдингы матбугат хезмәте материаллары буенча

"Вертолеты России" холдингының (Ростех дәүләт корпорациясенә керә) Казан вертолет заводы Һава транспорты федераль агентлыгыннан (Росавиация) Ми-38 серияле иң яңа граждан вертолетын күпләп чыгару өчен җитештерүче сертификаты алган. Беренче машина заказчыга бу ел ахырына кадәр җибәреләчәк.

Кулланылган техник чишелешләр нәтиҗәсендә вертолет йөк күтәрүчәнлеге, пассажирларны сыйдыру һәм төп очу-техник характеристикалары буенча үз классына караган башка машиналарны уздыра. Максималь очып китү массасы 15,6 тонна булган вертолет бортка яки тышкы элмә җайланмасына 5 тонна файдалы йөк алырга сәләтле. Пассажирлар өчен Ми-38 очкычы бортка 30га якын кешене алырга мөмкин.

Вертолетның өстәмә ягулык баклары белән транспорт конфигурациясендәге очышы 1000 чакрымга кадәр озайтыла. Ми-38 очкычы илдә җитештерелгән яңа двигательләр, аварияле ягулык системасы, йомшак грунтка һәм карга утырту өчен шассига өстәмә терәкләр белән җиһазландырылган.

"Казан вертолет заводы" ГАҖ матбугат хезмәте материаллары буенча

"Вертолеты России" холдингының Казан вертолет заводы белгечләре WorldSkills Hi-tech-2019 сәнәгатьнең югары технологияле тармакларының үтәли эшче һөнәрләре илкүләм чемпионатында Ростех дәүләт корпорациясе җыелма командасы составында  көмеш призерлар булган. Ярышлар 28 нче октябрьдән 1нче ноябрьгә кадәр Екатеринбургта узды.

КВЗның 21 хезмәткәре өч компетенциядә үткәрелгән ярышларда катнашкан, аларның икесе буенча Казан вертолет төзүчеләре көмеш медальләр яулаган. "Композитлар технологиясе" компетенциясендә инженер-конструктор Екатерина Киселева, инженер-технолог Илназ Вәлиев, эксперт – Инна Семагина һәм Константин Пантюхин составындагы команда икенче урынга лаек булган.

"Тормыш циклы белән идарә итү" компетенциясендә 10 катнашучы һәм ике эксперт арасыннан предприятие командасы пьедесталның икенче баскычына баскан. Алар жюри хөкеменә көнкүреш калдыкларын сортларга аеру һәм эшкәртү буенча стационар җайланма проектын тәкъдим иткән.

Ростех дәүләт корпорациясе җыелма командасына эләгер алдыннан Казан вертолет заводы белгечләре "Вертолеты России" холдингы предприятиеләре хезмәткәрләре арасында корпоратив һөнәри осталык чемпионаты һәм RostecSkills-2019 буенча сайлап алу чемпионатын узган.

Илкүләм чемпионат алдыннан дәүләт корпорациясе җыелма командасының төп составына кертелгән катнашучылар һәм экспертлар сентябрь аенда Мәскәү өлкәсендә узган Ростех академиясенең команда-укыту чарасы кысаларында әзерлек узган. Программада аңлы лидерлык, нәтиҗәле хезмәттәшлек һәм стрессларга каршы тору буенча белем бирү блоклары, шулай ук WorldSkills хәрәкәте чемпионатларында эш стандартларына һәм уңышка ирешү технологияләренә өйрәтү каралган.

Ростех командасында катнашучыларның барысы бергә 39 медаль яулаган, аларның 15е – алтын, 11е – көмеш һәм 10сы – бронза, нигездә, WorldSkills Hi-Tech 2019 VI эшче һөнәрләр илкүләм чемпионаты нәтиҗәләре буенча. Тагын 3 бүләкне Ростех белгечләре WorldSkills Hi-Tech 2019 Евразия зачетында ярышлар нәтиҗәләре буенча алган.

"Казан вертолет заводы" ГАҖ матбугат хезмәте материаллары буенча, фото rostec.ru сайтыннан алынды

"Вертолеты России"" холдингы (Ростех дәүләт корпорациясенә керә) 2019 елның 23-24 октябрендә Сочида уза торган Россия-Африка икътисадый форумында катнаша. "Сәнәгать" зонасында урнашкан холдинг экспозициясендә модернизацияләнгән Ми-35П вертолеты, корпоратив башкарылган күп максатлы граждани Ансат, шулай ук Ми-8/17 тибындагы вертолетларны ремонтлау өчен мобиль сервис үзәге күрсәтелә.

Африка илләрендә Ми-24/35 тибындагы 250дән артык вертолет эксплуатацияләнә. Холдинг барлык Африка партнерларына яңа двигательле, тагылма һәм навигация комплексы яңартылган, шулай ук коралларның киңәйтелгән составы булган яңа двигательле, модернизацияләнгән Ми-35П  вертолетын тәкъдим итә.

Африкада совет чорында һәм Россиядә җитештерелгән вертолетларының яртысыннан артыгы – ул дөньякүләм танылган төрле модификациядәге Ми-8/17 машиналары. Контейнер тибындагы мобиль сервис үзәкләре Ми-8/17 тибындагы вертолетларны капиталь ремонтлау һәм заказчылар тарафыннан авиация базалары шартларында аларның модификацияләрен башкару өчен билгеләнгән. Аларны хәтта электр челтәреннән башка да теләсә кайсы урында борырга була – алар шәхси дизель-генератор белән тәэмин ителгән.

"Вертолеты России" гражданнар линейкасыннан форумда югары уңайлыклы салоны булган корпоратив башкарудагы күпмаксатлы җиңел Ансат тәкъдим ителә. Россиядә әлеге ике хәрәкәтчән вертолет очкыч ашыгыч ярдәм сыйфатында актив кулланыла. Ул класста иң зур кабиналарга ия һәм йөк, пассажир һәм медицина максатларында ташу, эзләү-коткару операцияләре һәм патрульлек итү өчен кулланыла ала.

"Вертолеты России" холдингы матбугат хезмәте материаллары буенча, Марина Лысцева фотолары

2019 елның 14 октябреннән "Работа в России" киң масштаблы һөнәри юнәлеш бирүче проект кысаларында республикада "Турникетларсыз атна" Бөтенроссия акциясе старт алды.

Акция Россиянең алдынгы предприятиеләре эшчәнлеге турында һөнәри юнәлеш бирүче мәгълүмат җиткерүгә, сәнәгый җитештерүдә ихтыяҗ булган һөнәрләрне һәм белгечлекләрне популярлаштыруга юнәлдерелгән чаралар комплексыннан гыйбарәт.

Проектның төп идеясе – мәктәп укучыларын һәм студентларны төбәктә урнашкан предприятиеләр эше белән интерактив таныштыру.

"Турникетларсыз атна" ел саен апрель һәм октябрь айларында үткәрелә. 2019 елның язында әлеге акцияне Татарстан Республикасының 40тан артык сәнәгать һәм сәүдә предприятиесе хуплады: "Нижнекамскнефтехим" ГАҖ, "Татнефть – прескомпозит" ҖЧҖ, С.П.Горбунов исемендәге КАЗ – "Туполев" ГАҖ филиалы, "А.М.Горький исемендәге Яшел Үзән заводы" АҖ һәм башкалар.

14 октябрь көнне "Бөгелмә электр насослары заводы" ААҖдә Бөгелмә шәһәренең "14 нче татар гимназиясе"нең 9 нчы сыйныф укучылары өчен экскурсия үткәрелде. Кунакларга предприятие турында сөйләделәр һәм күрсәттеләр, завод цехлары буйлап экскурсия үткәрделәр.

"КВЗ" ГАҖ 54 нче урта мәктәпнең 9 нчы сыйныф укучылары өчен үз ишекләрен ачты. Балалар завод музеенда булды һәм производство белән танышты.

"Казан вертолет заводы" ГАҖ матбугат хезмәте материаллары буенча

"Вертолеты России" холдингы (Ростех дәүләт корпорациясенә керә) Казан вертолет заводы җитештергән медицина модульләренә ия ике Ансат вертолетын Дәүләт транспорт лизинг компаниясенә тапшырды. Машиналар РФ төбәкләрендә санитар авиацияне үстерү өчен каралган.

Ансат вертолетлары "СКОЛ" авиакомпаниясе" ҖЧҖ мәнфәгатьләрендә алга таба файдалануга тапшырылган. Машиналар "Россия Федерациясенең авыр үтеп керә торган районнарында яшәүче гражданнарга ашыгыч медицина ярдәме күрсәтүне үз вакытында тәэмин итү" өстенлекле проектын тормышка ашыру кысаларында китерелә.

Исегезгә төшерәбез, 2019 елның августында Росавиация Ансат җиңел вертолетының фюзеляж ресурсын сигез тапкыр арттыруны сертификацияләгән: 2 меңнән 16 меңгә сәгатькә кадәр. МАКС-2019 халыкара авиасалоны барышында "Вертолеты России" холдингы генераль директоры Андрей Богинскийга сертификация документлары тапшырылган.

Күп максатларга ярашлы җиңел Ансат вертолеты Казан вертолет заводының тәҗрибә-конструкторлык бюросында проектланган. Машина ике двигатель белән җиһазландырылган һәм пассажирлар һәм VIP-пассажирлар йөртү, йөк ташу, әйләнә-тирә мохитне мониторинглау һәм санитар борт сыйфатында кулланыла ала.

Медицина модуленә ия булган Ансатта үз классына караган көндәшле аналоглары белән чагыштырмача  берничә җитди өстенлек бар. Барыннан да элек, бу хезмәт күрсәтү, укыту һәм ремонт өчен бәянең аз булуы. Моннан тыш, вертолет минус 45 градустан башлап плюс 50 градуска кадәр температурада эксплуатацияләнә ала. Ансатны биек тауларда сынау эшләре тәмамланган, аның 3500 метрга кадәрге биек урыннарда тау җирлегендә эшли алу мөмкинлеге расланган.

"Казан вертолет заводы" ГАҖ матбугат хезмәте материаллары буенча, фото skol.ru сайтыннан

"Вертолеты России" холдингының (Ростех дәүләт корпорациясенә керә) Казан вертолет заводында Кытай делегациясе булып китте. Чара Кытай Халык Республикасының Бөтенкытай халык республикасы халык вәкилләре җыелышының (парламенты) Даими комитеты рәисе Ли Чжаньш әфәнденең Россиягә рәсми визиты кысаларында Татарстан Республикасына булган эш сәфәре кысаларында узды. Делегацияне ТР Дәүләт Советы Рәисе Фәрит Мөхәммәтшин озатып йөрде.

Кунаклар өчен агрегат-җыю производствосы буенча экскурсия уздырдылар һәм Ми-8/17, Ми-38 һәм Ансатларның ничек төзелүен күрсәттеләр. Делегация шулай ук вертолет техникасын җыю цехында да булды. Моннан тыш, предприятиенең очу-сынау комплексында Көньяк-Көнчыгыш Азия илләре буенча "Вертолеты России" холдингының демонстрация турында катнашкан Ансат вертолетының демонстрацион очышы узды.

КВЗның Кытай Халык Республикасы белән хезмәттәшлеге узган гасырның 50 нче елларыннан башлана. Шул вакыт эчендә Кытай 186 урта вертолет, шул исәптән Ми-4, Ми-8, Ми-17 һәм Ми-17В-5 очкычларын сатып алган. Шулай ук "HARBIN Z-5" билгеләмәсендәге Ми-4 очкычы лицензия буенча 1958-1979 елларда Кытайның 122 нче заводында җитештерелгән, анда 545 вертолет төзелгән булган. Бу машиналарны серияле җитештерү Казан вертолет заводы белгечләре катнашында оештырылган.

2018 елның көзендә "Вертолеты России" холдингы КХРның һәлакәтләр медицинасы ассоциациясе мәнфәгатьләрендә 20 Ансат вертолетын китерүгә контракт төзегән. Машиналар заказ бирүчегә күпмаксатлы комплектациягә тапшырылачак.

"Казан вертолет заводы" ГАҖ матбугат хезмәте материаллары буенча

"Вертолеты России" холдингының Казан вертолет заводы (Ростех дәүләт корпорациясенә керә) 2019 елның 4 сентябрендә 79 еллыгын билгеләп үтә.

Бәйрәм уңаеннан 90 артык завод хезмәткәре Россия Сәнәгать һәм сәүдә министрлыгы, Татарстан Республикасы Министрлар Кабинеты, Татарстан Республикасы Сәнәгать һәм сәүдә министрлыгы, Ростех дәүләт корпорациясе, "Вертолеты России" холдингы һәм хәрби-техник хезмәттәшлек буенча федераль хезмәтнең Мактау грамоталары һәм Рәхмәт хатлары белән бүләкләнгән. Завод хезмәткәрләренә шулай ук Казан Мэриясе, шәһәр Башкарма комитеты һәм Авиатөзелеш һәм Яңа Савин районнары администрациясе бүләкләре дә тапшырылачак.

Предприятиенең туган көне дип 1940 елның 4 сентябрендә, Ленинградның 387 нче авиация заводы төзелгән көн кабул ителә. Бөек Ватан сугышы башлану белән аны Казанга эвакуацияләгәннәр һәм 169-нчы номерлы күзәтү детальләре җирле заводы белән берләштергәннәр. Бөек Ватан сугышы вакытында предприятие фронт өчен якынча 11 мең төнге бомбардировщик әзерләгән.

Завод тарихында борынгы этап булып 1951 елда илдәге беренче Ми-1 серияле вертолетын чыгара башлау тора, ә 1953 елдан беренче Ми-4 вертолеты җитештерелә башлый, ул экспортка да җибәрелә. Легендар Ми-8/17 – дөнья авиациясе тарихында иң массакүләм вертолетларның берсе, ул бүген дә чыгарыла һәм дөньяның 92 илендә эксплуатацияләнә.

1997 елдан башлап Казан вертолет заводының вертолет техникасын эшләп чыгаручы сертификаты бар: серияле производствода Ансат җиңел ике хәрәкәтле вертолеты бар – 2019 елның 17 августында әлеге машинаның беренче мәртәбә очыш ясавына 20 ел тулды.

"Вертолеты России" холдингы матбугат хезмәте материаллары буенча

1 августтан 5 августка кадәр Биләр музей-тыюлыгында "Казанның ачык талантлар университеты 2.0" коммерциясез автоном оешмасының һәм "Сәләт" фондының "Талантлар ачу" дигән җәйге яшьләр мәктәбе узды. Форум бөтен Татарстаннан 1200 артык катнашучыны берләштерде.

Мәктәп базасында Казан вертолет заводының 10 хезмәткәреннән торган эксперт төркеме һөнәри юнәлеш бирү буенча дәресләр үткәрде. КВЗ экспертлары укучыларны база технологияләре, актуаль хәл, үсешнең стратегик юнәлешләре, шулай ук вертолет төзелеше тармагында үз өлкәләренең төп чакырулар һәм проблемалар белән таныштырды.

Казан вертолет заводы форумда "Массаны киметү һәм очыш ераклыгын арттыру" һәм "Кадрлар сәясәте һәм персонал белән эшләү" дигән проект лабораторияләрен тәкъдим итте. Гипотезалар формалаштырганда һәм бирелгән темаларга проектлар эшләгәндә экспертлар мәктәп укучылары командаларына ярдәм итте. Нәтиҗәләр буенча иң тормышка сәләтле идеяләрне тәкъдим иткән җиңүчеләр сайлап алынды. Алар производствога экскурсия, заводта стажировка үтү, "ТехноПРОРЫВ" форумында катнашу һәм А.Н.Туполев исемендәге КНИТУ-КАИ максатчан укырга керү хокукына ия булды.

"Казан вертолет заводы" ГАҖ һәм "Казанның ачык талантлар университеты 2.0" АКО 2017 елның июнендә хезмәттәшлек турында килешү имзалады. Төп эш юнәлешләренең берсе – "профессиональ сынап караулар", – ике ел эчендә аларда 6281 кеше булган.

Өстәмә:

"ТехноПРОРЫВ" – реаль инженер-идарә бурычларын хәл итү барышында проект юнәлешле инженер командаларын әзерләүнең уңышлы технологиясе. Программа КВЗ хезмәткәрләре өчен конкрет күнекмәләр, коллективны берләштерү һәм нәтиҗәле эш өчен атмосфера тудыру максатларында үткәрелә

Тэглар: профориентация КВЗ летняя школа

"Вертолеты России" холдингы материаллары буенча

"Вертолеты России" холдингының Казан вертолет заводы ("Ростех" ДК) хезмәткәре Виктор Артамонов "Татарстан Республикасының атказанган машина төзүчесе" исеменә лаек булган. Бүләкләү тантанасы Казан Кремлендә узган.

Виктор Артамонов республика бүләкәрен тапшыру тантанага чакырылган 50 кеше арасында катнашкан. ТР Дәүләт Советы Рәисе Фәрит Мөхәммәтшин җыелучыларга хезмәтләре, казанышлары һәм Татарстан үсешенә керткән өлешләре өчен рәхмәт белдергән. 

Татарстан Республикасы Президенты Рөстәм Миңнеханов Указы нигезендә Виктор Артамоновка "Татарстан Республикасының атказанган машина төзүчесе" исеме илнең вертолет төзелеше үсешенә керткән өлеше һәм күпьеллык нәтиҗәле хезмәте өчен бирелгән. Шулай ук мактаулы исемнәр "Казан вертолет заводы" ГАҖнең тагын дүрт хезмәткәренә бирелгән. Аларның икесе – механик җыю эшләре слесаре Минзәет Габитов һәм җыючы-клепкалаучы Сергей Дятлов үз бүләкләрен алганнар инде.

КВЗга Виктор Артамонов армиядән соң ук, 1978 елда очу аппаратларында электр җиһазлары монтажчысы булып эшкә килә. Шул вакыттан бирле ул берничә тапкыр предприятие җитәкчелеге рәхмәтен ала, сыйфат отличнигы була, заводның атказанган ветераны исеме бар һәм Россия Сәнәгать һәм сәүдә министрлыгы Мактау грамотасы белән бүләкләнгән. Моннан тыш, Виктор Артамонов "Әфганстанда сугышчан хәрәкәтләр тәмамлануга 25 ел тулу истәлегенә” дигән юбилей медале белән дә бүләкләнгән.

Тэглар: Вертолеты России КВЗ Ростех

"Вертолеты России" холдингы "Казан вертолет заводы" ГАҖ материаллары буенча