ЯҢАЛЫКЛАР
"Россия вертолетлары" холдингының Казан вертолет заводында (Ростех дәүләт корпорациясенә керә) яшьләр арасында "Һөнәре буенча иң яхшысы" исеменә һөнәри осталык конкурсына йомгак ясалды. 32 хезмәткәр бүләк алды.
КВЗның теләге булган һәр хезмәткәре үз көчен 7 компетенциядә сынап карый алган: "Авиация техникасы эшләнмәләрен җитештерү һәм җыю", "Электромонтаж", "Инженер-технолог", "Хезмәтне саклау", "Очу аппаратлары электр җиһазларын монтажлау", "Төркемле җитештерү" һәм "CAD инженер графикасы".
Экспертлар булып WorldSkills Hi-Tech сәнәгатенең югары технологияле тармакларының үтәли эшче һөнәрләре илкүләм чемпионатында катнашучылар катнашкан. Завод ярышлары өчен конкурс биремнәрен эшләгәндә WorldSkills стандартлары таләпләре исәпкә алынган, КВЗ даими рәвештә конкурсны камилләштерә, аны халыкара нормаларга яраклаштыра.
Конкурс нәтиҗәләре буенча беренче урыннарны Денис Сазыков ("Авиация техникасы эшләнмәләрен җитештерү һәм җыю"), Олег Солдатов ("Электромонтаж"), Руслан Кәримов ("Хезмәтне саклау"), Дарья Осокина ("Очу аппаратлары электр җайланмаларын монтажлау"), Азат Хисмәтуллин ("CAD инженер графикасы") яулаган.
"Төркемле җитештерү" компетенциясендә Илнур Фәхертдинов, Фәнис Гыйльмуллин, Владимир Григорьев һәм Сергей Егоров командасы җиңгән. "Инженер-технолог" компетенциясендә Руслан Гатауллин, Илнур Таналин, Ильяс Тимеров составындагы команда иң яхшысы дип табылган.
КВЗ, гадәттәгечә, кадрлар әзерләү дәрәҗәсен күтәрүгә, эшче һөнәрләрне һәм инженер белгечлекләрен популярлаштыруга юнәлдерелгән күп кенә чараларда катнаша. Завод белгечләре Казанда узган WorldSkills дөнья чемпионатында югары дәрәҗәдә әзерлек күрсәтте: 8 катнашучыдан һәм 1 эксперттан торган команда "Тормыш циклы белән идарә итү" компетенциясендәге ярышларда җиңү яулады.
"Вертолеты России" холдингы матбугат хезмәте материаллары буенча
"Вертолеты России" холдингының (Ростех дәүләт корпорациясенә керә) Казан вертолет заводы Һава транспорты федераль агентлыгыннан (Росавиация) Ми-38 серияле иң яңа граждан вертолетын күпләп чыгару өчен җитештерүче сертификаты алган. Беренче машина заказчыга бу ел ахырына кадәр җибәреләчәк.
Кулланылган техник чишелешләр нәтиҗәсендә вертолет йөк күтәрүчәнлеге, пассажирларны сыйдыру һәм төп очу-техник характеристикалары буенча үз классына караган башка машиналарны уздыра. Максималь очып китү массасы 15,6 тонна булган вертолет бортка яки тышкы элмә җайланмасына 5 тонна файдалы йөк алырга сәләтле. Пассажирлар өчен Ми-38 очкычы бортка 30га якын кешене алырга мөмкин.
Вертолетның өстәмә ягулык баклары белән транспорт конфигурациясендәге очышы 1000 чакрымга кадәр озайтыла. Ми-38 очкычы илдә җитештерелгән яңа двигательләр, аварияле ягулык системасы, йомшак грунтка һәм карга утырту өчен шассига өстәмә терәкләр белән җиһазландырылган.
"Казан вертолет заводы" ГАҖ матбугат хезмәте материаллары буенча
"Вертолеты России"" холдингы (Ростех дәүләт корпорациясенә керә) 2019 елның 23-24 октябрендә Сочида уза торган Россия-Африка икътисадый форумында катнаша. "Сәнәгать" зонасында урнашкан холдинг экспозициясендә модернизацияләнгән Ми-35П вертолеты, корпоратив башкарылган күп максатлы граждани Ансат, шулай ук Ми-8/17 тибындагы вертолетларны ремонтлау өчен мобиль сервис үзәге күрсәтелә.
Африка илләрендә Ми-24/35 тибындагы 250дән артык вертолет эксплуатацияләнә. Холдинг барлык Африка партнерларына яңа двигательле, тагылма һәм навигация комплексы яңартылган, шулай ук коралларның киңәйтелгән составы булган яңа двигательле, модернизацияләнгән Ми-35П вертолетын тәкъдим итә.
Африкада совет чорында һәм Россиядә җитештерелгән вертолетларының яртысыннан артыгы – ул дөньякүләм танылган төрле модификациядәге Ми-8/17 машиналары. Контейнер тибындагы мобиль сервис үзәкләре Ми-8/17 тибындагы вертолетларны капиталь ремонтлау һәм заказчылар тарафыннан авиация базалары шартларында аларның модификацияләрен башкару өчен билгеләнгән. Аларны хәтта электр челтәреннән башка да теләсә кайсы урында борырга була – алар шәхси дизель-генератор белән тәэмин ителгән.
"Вертолеты России" гражданнар линейкасыннан форумда югары уңайлыклы салоны булган корпоратив башкарудагы күпмаксатлы җиңел Ансат тәкъдим ителә. Россиядә әлеге ике хәрәкәтчән вертолет очкыч ашыгыч ярдәм сыйфатында актив кулланыла. Ул класста иң зур кабиналарга ия һәм йөк, пассажир һәм медицина максатларында ташу, эзләү-коткару операцияләре һәм патрульлек итү өчен кулланыла ала.
"Вертолеты России" холдингы матбугат хезмәте материаллары буенча, Марина Лысцева фотолары
"Вертолеты России" холдингының Казан вертолет заводы (Ростех дәүләт корпорациясенә керә) 2019 елның 4 сентябрендә 79 еллыгын билгеләп үтә.
Бәйрәм уңаеннан 90 артык завод хезмәткәре Россия Сәнәгать һәм сәүдә министрлыгы, Татарстан Республикасы Министрлар Кабинеты, Татарстан Республикасы Сәнәгать һәм сәүдә министрлыгы, Ростех дәүләт корпорациясе, "Вертолеты России" холдингы һәм хәрби-техник хезмәттәшлек буенча федераль хезмәтнең Мактау грамоталары һәм Рәхмәт хатлары белән бүләкләнгән. Завод хезмәткәрләренә шулай ук Казан Мэриясе, шәһәр Башкарма комитеты һәм Авиатөзелеш һәм Яңа Савин районнары администрациясе бүләкләре дә тапшырылачак.
Предприятиенең туган көне дип 1940 елның 4 сентябрендә, Ленинградның 387 нче авиация заводы төзелгән көн кабул ителә. Бөек Ватан сугышы башлану белән аны Казанга эвакуацияләгәннәр һәм 169-нчы номерлы күзәтү детальләре җирле заводы белән берләштергәннәр. Бөек Ватан сугышы вакытында предприятие фронт өчен якынча 11 мең төнге бомбардировщик әзерләгән.
Завод тарихында борынгы этап булып 1951 елда илдәге беренче Ми-1 серияле вертолетын чыгара башлау тора, ә 1953 елдан беренче Ми-4 вертолеты җитештерелә башлый, ул экспортка да җибәрелә. Легендар Ми-8/17 – дөнья авиациясе тарихында иң массакүләм вертолетларның берсе, ул бүген дә чыгарыла һәм дөньяның 92 илендә эксплуатацияләнә.
1997 елдан башлап Казан вертолет заводының вертолет техникасын эшләп чыгаручы сертификаты бар: серияле производствода Ансат җиңел ике хәрәкәтле вертолеты бар – 2019 елның 17 августында әлеге машинаның беренче мәртәбә очыш ясавына 20 ел тулды.
"Вертолеты России" холдингы матбугат хезмәте материаллары буенча
Бүген Жуковский шәһәрендә (Мәскәү өлкәсе) МАКС-2019 халыкара авиация-космик салоны старт алды. Чара М.М.Громов исемендәге җәйге-тикшеренү институты мәйданчыгы уза.
Иң зур дөньякүләм авиа-форум гражданнар һәм хәрби авиация өлкәсендәге яңа эшләнмәләрне, перспектив проектларны һәм фәнни эзләнүләрнең нәтиҗәләрен, Россия һәм башка илләрнең очучы-сынаучылары һәм пилотаж төркемнәренең күрсәтмә чыгышларын берләштерәчәк.
МАКС-2019 салонына килүчеләр өчен авиатехниканың табигый үрнәкләре белән тематик экспозицияләр оештырылган.
Төбәкләр экспозицияләреннән павильон оештыру инициативасы - Россия Сәнәгать һәм сәүдә министрлыгыныкы. Авиация-космос салонында үз стендлары белән Татарстан Республикасы да катнаша. Республиканың берләштерелгән стендында 17 оешма бар. Алар арасында: С.П.Горбунов ис. КАЗ, "КМПО" АҖ, "КВЗ" ГАҖ, "МВЕН" фирмасы" ҖЧҖ, "Тулпар Интерьер Групп" ҖЧҖ, А.Н.Туполев исемендәге КФТТУ – КАИ, "ЭЛЕКОН заводы" АҖ, 35 нче лицей һәм башкалар.
Казанның "МВЕН" фирмасы авиасалонда аңа нигез салынганнан бирле даими катнашып килә. Быел, инде танылган проектлардан тыш, компания югары дәрәҗәдә куркынычсызлык белән бизнес-классның югары уңайлыклы турбореактив самолетын тәкъдим итәчәк.
А.Н.Туполев исемендәге КФТТУ – КАИ кече авиация өчен турбореактив двигатель һәм кече массалы космик очу аппаратын тотрыклыландыру һәм ориентацияләү системалары өчен лазер импульслы ракета двигателе макетын тәкъдим итәчәк.
"Вертолеты России" холдингы (Ростех дәүләт корпорациясенә керә) гражданнар линейкасында берьюлы өч яңалык тәкъдим итәчәк: беренче серияле Ми-38 вертолеты, шулай ук Казан вертолет заводында җитештерелгән Aurus бренды стилистикасында эшләнгән VIP-салонлы җиңел Ансат һәм уртача күпмаксаты Ка-62.
КМПО экспозициясе быел двигательләрнең җылылык алмаштыру җайланмаларын суыту өчен вентилятор макетын, вертолетларның баш редукторы һәм агрегатларын, монокристаллы суытыла торган эшче көрәк үрнәген үз эченә ала.
Республика предприятиеләренә катнашу өчен МАКС-2019 – ул танышу һәм эшлекле элемтәләрне киңәйтү, яңа партнерлар табу, үз эшләнмәләреңне һәм технологияләрне күрсәтү мөмкинлеге.
МАКС-2019 27 августтан 1 сентябрьгә кадәр узачак. Катнашучылар һәм авиа-салон чаралары турында тулырак мәгълүматны чараның рәсми сайтында алырга мөмкин.
"Вертолеты России" холдингы, "КМПО" АҖ матбугат хезмәте, aviasalon.com сайты материаллары файдаланылды
"Вертолеты России" холдингының Казан вертолет заводы ("Ростех" ДК) хезмәткәре Виктор Артамонов "Татарстан Республикасының атказанган машина төзүчесе" исеменә лаек булган. Бүләкләү тантанасы Казан Кремлендә узган.
Виктор Артамонов республика бүләкәрен тапшыру тантанага чакырылган 50 кеше арасында катнашкан. ТР Дәүләт Советы Рәисе Фәрит Мөхәммәтшин җыелучыларга хезмәтләре, казанышлары һәм Татарстан үсешенә керткән өлешләре өчен рәхмәт белдергән.
Татарстан Республикасы Президенты Рөстәм Миңнеханов Указы нигезендә Виктор Артамоновка "Татарстан Республикасының атказанган машина төзүчесе" исеме илнең вертолет төзелеше үсешенә керткән өлеше һәм күпьеллык нәтиҗәле хезмәте өчен бирелгән. Шулай ук мактаулы исемнәр "Казан вертолет заводы" ГАҖнең тагын дүрт хезмәткәренә бирелгән. Аларның икесе – механик җыю эшләре слесаре Минзәет Габитов һәм җыючы-клепкалаучы Сергей Дятлов үз бүләкләрен алганнар инде.
КВЗга Виктор Артамонов армиядән соң ук, 1978 елда очу аппаратларында электр җиһазлары монтажчысы булып эшкә килә. Шул вакыттан бирле ул берничә тапкыр предприятие җитәкчелеге рәхмәтен ала, сыйфат отличнигы була, заводның атказанган ветераны исеме бар һәм Россия Сәнәгать һәм сәүдә министрлыгы Мактау грамотасы белән бүләкләнгән. Моннан тыш, Виктор Артамонов "Әфганстанда сугышчан хәрәкәтләр тәмамлануга 25 ел тулу истәлегенә” дигән юбилей медале белән дә бүләкләнгән.
Тэглар: Вертолеты России КВЗ Ростех
"Вертолеты России" холдингы "Казан вертолет заводы" ГАҖ материаллары буенча
"Вертолеты России" холдингы Тува Республикасы өчен Казан вертолет заводы җитештергән Ми-8МТВ-1 вертолетын тапшырды. Бу 2018 елда төзелгән контракт буенча "Тува-авиа" авиакомпаниясенә җибәрелә торган инде икенче машина.
Ми-8МТВ-1 вертолеты төбәктә ерак территорияләрнең транспорт үтемлелеген үстерү программасы кысаларында кулланылачак. Заказчы өчен вакытыннан алда җитештерелгән беренче вертолет билгеләнгән бурычларны үти инде. Ул 2019 елның 25 апрелендә тапшырылган иде.
"Тува-авиа" өчен тапшырылган ике Ми-8МТВ-1 очкычы генераторлар эшләми башлаган очракта электр энергиясенең аварияле чыганагы функциясен тәэмин итә торган ярдәмче көч җайланмалары белән тәэмин ителгән. Машиналарның эчендә һәм тышкы ягында икешәр өстәмә ягулык багы урнаштырылган, бу исә очышлар ераклыгын шактый арттыра. Салоннарда пассажир креслолары өчен урыннар әзерләнгән. Вертолетлар тышкы трослар, санитар һәм коткару җиһазлары белән тәэмин ителгән. Шулай ук Ми-8МТВ-1 300 кг кадәр йөк күтәрүчәнлеге булган лебедкалар белән дә җиһазландырылган, алар ярдәмендә коткару операцияләре үткәрелергә мөмкин.
Әлеге контракт буенча КВЗ вертолетларын китертү, шул исәптән, Тува белән Татарстан арасында сәүдә-икътисадый, фәнни-техник, социаль һәм мәдәни хезмәттәшлек турындагы Килешү аркасында да мөмкин булган. Документны 2016 елда Кызылда Татарстан Республикасы Президенты Рөстәм Миңнеханов һәм Тува Республикасы Башлыгы Шолбан Кара-оол имзалаган.
"Тува-Авиа" авиакомпаниясе очкычлар ярдәмендә йөк һәм пассажир ташуга махсуслашкан. Аның авиапаркында Ми-8 вертолетлары һәм компактлы самолетлар бар. Очышлар географиясе бөтен төбәкне колачлый. Ми-8 вертолетлары ярдәмендә Тува Республикасы территориясе буенча чартер рейслары башкарыла. Шулай ук авиакомпания авария-коткару эшләрен, махсус авиация эшләрен башкара (аэрофототосъемка, урман саклау һ.б.) һәм санитар авиациягә хезмәт күрсәтә.
"Вертолеты России" холдингы материаллары буенча»
"Вертолеты России" холдингы (Ростех дәүләт корпорациясенә керә) Paris Air Show 2019 Халыкара Аэрокосмик салоны кысаларында модернизацияләнгән Ансат җиңел вертолет концепциясен тәкъдим итте. Машинада якындагы елларда серияле җитештерүгә кертеләчәк яңа конструктор чишелешләре һәм опцияләр кулланылган.
Аерым алганда, Ле Бурже аэропортында тәкъдим ителгән Ансат "пыяла кабина" – бортында радиоэлектрон приборларның яңа комплексы белән тәэмин ителгән, ул приборларга карап очу кагыйдәләре нигезендә очышлар ясарга мөмкинлек бирә. Вертолет шулай ук метеолокатор, җирнең якында булуын алдан кисәтү системасы, авариягә тотрыклы ягулык системасы, светодиод яктылык приборлары һәм чыбыкларга килеп бәрелүдән саклау өчен тросоруб белән җиһазландырылган.
Моннан тыш, үзгәрешләр вертолет конструкциясенә дә кагылган – аның койрык балкасына композит материаллардан модификацияле терәк куелган һәм кабинасы җылытыла торган, кошларга чыдам пыяла белән тышланган.
Киләчәктә Ансатның фюзеляж конструкциясендәге бер өлеше композит материаллардан эшләнәчәк, бу вертолетның авырлыгын һәм эксплуатацияләү бәясен киметергә мөмкинлек бирәчәк. Шул ук вакытта пассажирлар саны 8 кешегә кадәр, ә очыш ераклыгы 30%ка артачак.
Күп максатларга ярашлы җиңел Ансат вертолеты Казан вертолет заводының тәҗрибә-конструкторлык бюросында проектланган. Машина ике двигатель белән җиһазландырылган һәм пассажирлар һәм VIP-пассажирлар йөртү, йөк ташу, әйләнә-тирә мохитне мониторинглау һәм санитар борт сыйфатында кулланыла ала. Ансатны биек тауларда сынау эшләре тәмамланды, аның 3500 метрга кадәрге биек урыннарда тау җирлегендә эшли алу мөмкинлеге расланды.
Вертолет Цельсий буенча -45 градустан +50 градуска кадәр температурада кулланылырга мөмкин. Теләсә күпме саклау мөмкинлеге һәм файдаланудагы түбән бәясе аның зур өстенлеге булып тора.
"Вертолеты России" холдингы матбугат хезмәте материаллары буенча