ЯҢАЛЫКЛАР
2017 елның 28 ноябрендә Россиядә кече һәм урта эшкуарлыкны үстерү турында законга кертелгән үзгәрешләргә һәм РФ субъектларының федераль булышлык чараларына таянып, Россия төбәкләренең төп интернет-порталы һәм “Россиянең икътисад сәясәте” журналы түләүсез нигездә халыкны һәм оешмаларны “Төбәкләрне үстерү” россиякүләм интернет-сервисы https://worknct-info.ru/cconomrazvitic ярдәмендә үзләренең товарларын һәм хезмәтләрен презентацияләргә чакыра.
Әлеге бушлай ресурсның база максатлары булып түбәндәгеләр тора:
тормышка ашырыла торган системалы проектларга ярдәм күрсәтү буенча өстәмә чаралар эшләү: илкүләм эшкуарлык инициативасы, төбәк инвестиция стандарты. Илкүләм рейтинг һәм максатчан модельләр, шулай ук бизнес алып бару процедураларын гадиләштерү буенча максатчан модельләр кертү нәтиҗәләренә анализ ясау һәм Россия Федерациясе субъектларының инвестицион яктан кызыклы булу дәрәҗәсен арттыру; – аларны гамәлгә кертүгә йомгак ясау, хезмәтләр күрсәтүче товар җитештерүчеләрнең һәм гражданнарның төбәк һәм муниципаль дәрәҗәдә инвестиция климатын яхшырту буенча тәкъдимнәрен формалаштыру. Нttps://worknet-info.ru/my-products бүлегендә сыйфатлы продукцияне күрсәтергә һәм үз мөмкинлекләрең турында сөйләргә була. Сервиста барлык тармаклар һәм эшчәнлек төрләре буенча https://worknet-info.ru/create-group битендә РФ субъектларының һәм муниципаль берәмлекләрнең социаль-икътисадый үсеше буенча җыелма төркемнәрен төзергә була. Төбәк һәм муниципаль идарә органнарыннан, учреждениеләрдән, оешмалардан һәм предприятиеләрдән теркәлгән хезмәткәрләр территорияләрне социаль-икътисадый һәм инновацияле үстерү, финанс тотрыклылыгын тәэмин итү һәм бәя билгеләү стратегияләрен эшләү, эшкуарлыкны һәм кулланучылар базарын, торак төзелешен һәм шәһәр төзелешен үстерү, сәнәгый һәм транспорт инфраструктурасын яңарту, АСК, ТКХ, ТЭК системаларын камилләштерү һәм экологик куркынычсызлык, ветеринария җитештерүчәнлеген гамәлгә ашыру һәм лицензия контролендә тоту, сатып алулар һәм тарифларны җайга салу өлкәсендә контракт системасын җайга салу, мәшгульлек һәм хезмәт мөнсәбәтләре, азык-төлек куркынычсызлыгын, табигый, мәдәни, спорт-туризм, фәнни-мәгариф потенциалын ныгыту, мәгълүматлаштыру һәм элемтә, ЗАГС органнары һәм нотариат, медицина ярдәме, Россия Федерациясе халкын граждани, хокукый һәм социаль яклау хезмәтләренең үтемлелек һәм сыйфат дәрәҗәсен арттыру мәсьәләләре буенча мәгълүмат белән уртаклаша ала. РФ субъектлары яңалыклары күрсәтелгән темалар буенча биредә формалаштырыла: https://worknet-info.ru/create-blog/
Төбәк һәм муниципаль ведомстволарның, учреждениеләрнең һәм оешмаларның гадиләштерелгән теркәлү процедурасы Баш биттә гамәлгә ашырыла:
https://worknet-info.ru/ или по ссылке https://worknet-info.ru/registcr
Төбәктәге актив һәм муниципаль эшкуарларга, шулай ук гади гражданнарга сервис үз товарларын һәм хезмәтләрен күрсәтергә ярдәм итәчәк, шулай ук киләчәге уңышлы күренгән идеяләрне һәм проектларны тормышка ашыруда фикердәшләр эзләргә булышачак. Россия төбәкләренең һәм муниципаль берәмлекләрнең яңа продуктлары һәм хезмәтләре турында мәгълүмат “Базар” бүлегендә туплана: https://worknct-info.ru/products
Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов эш визиты белән Липецкта сәфәрдә. Бүген ул РФ сәнәгать һәм сәүдә министры Денис Мантуров рәислегендә төзелеш материаллары сәнәгатен үстерү мәсьәләләре буенча координацияләү советы утырышында катнашачак.
Татарстан Республикасы сәнәгать һәм сәүдә министрлыгы 2017 елның 21-22 декабрендә Мәскәүдә “Космос” дәүләт корпорациясендә (ВДНХ метро тукталышы) “Дәүләт оборона заказы: бәя билгеләү һәм аны озата баруда яңалык” Бөтенроссия семинары узачагы турында хәбәр итә.
Семинарда катнашырга Россия предприятиеләре һәм учреждениеләренең юридик һәм финанс-икътисад хезмәтләре җитәкчеләре һәм белгечләре– дәүләт оборона заказын башкаручылар һәм заказ бирүчеләр чакырыла.
Семинарда сүз асылда продукциягә бәяләрне формалаштыру тәртибе һәм яңа таләпләр турында барачак. Аерым игътибар 2012 елның 275нче номерлы федераль законы “Дәүләт оборона заказы турында” канундагы үзгәрешләр проектларына биреләчәк.
Семинарда катнашу шартлары буенча тулырак мәгълүмат алу өчен проект координаторына Скворцов Алексей Владиславовичка мөрәҗәгать итә аласыз тел.: 8 (978) 056-97-66, Электрон почта: sav@vsesem.ru сайты www.vsesem.ru.
“Россия вертолетлары” холдингы, Дәүләт транспорт лизинг компаниясе белән контракт нигезендә, заказчыга Казан вертолет заводында җитештерелгән Ми-8МТВ-1 вертолетын тапшырды. Әлеге медицина модуле белән җиһазландырылган очкыч Саха Республикасында (Якутия) эксплуатацияләнәчәк.
Вертолет Россиянең авыр үтеп керә торган районнарында яшәүче гражданнарга экстрен медицина ярдәме күрсәтүнең вакытында гамәлгә ашырылуын тәэмин итү буенча өстенлекле проект кысаларында “Поляр авиалинияләр” авиакомпаниясенә тапшырылды. Очкыч инде дислокация урынына – Якутск шәһәрендә озатылды.
2017 ел азагына кадәр Дәүләт транспорт лизинг компаниясе белән контракт буенча Казан вертолет заводында җитештерелгән ике Ми-8МТВ-1 очкычын тапшыру бурычы калды. Алар Камчатка белән Пермь краендагы бурычларны үтәү өчен билгеләнгән.
Ми-8МТВ-1 семьялыгына караган күпмаксатлы вертолетларда уникаль очу-техника һәм эксплуатация сыйфатламалары бар, алар барлык диярлек климат шартларында да кулланыла ала. Ми-8МТВ-1 вертолетының конструкциясе һәм җайланмалары махсус әзерләнмәгән урыннарга автономияле рәвештә төшеп төпләнү мөмкинлеген бирә.
2017 елның 13-14 декабрендә Татарстан Республикасына эш визиты белән Дагыстан Республикасы делегациясе киләчәк. Делегацияне Дагыстан Республикасы Башлыгы вазифаларын вакытлыча башкаручы Владимир Васильев җитәкләячәк.
Визит кысаларында кунаклар республиканың сәнәгать, сәүдә-икътисади һәм инвестиция потенциалы белән танышачаклар, «Эйдос» медицина фәне үзәгендә, "Казан" Агросәнәгать паркында, Татарстан Республикасының бердәм тәкъдир итү үзәгендә, "IT-парк" югары технологияләр өлкәсендә Технопаркта, "Химград" Технополисында, шулай ук, Казан (Идел буе) федераль университетында булачаклар.
2017 елның 20-23 декабрендә Казан шәһәренең «Казан ярминкәсе» күргәзмә үзәге территориясендә Иран Республикасының товарлары һәм продукциясенең Махсуслаштырылган күргәзмәсе узачак.
Чараны оештыручы буларак Иран Ислам Республикасының Казандагы Генераль консуллыгы һәм Татарстан Республикасы сәнәгать һәм сәүдә министрлыгы чыгыш ясый.
Күргәзмәдә азык-төлек продуктлары җитештерүче, кием, медицина, җиңел һәм авыр сәнәгать өлкәсендә эшчәнлек алып баручы, төзелеш һәм төзелеш материаллары җитештерүче күпсанлы алдынгы Иран компанияләре катнашачак.
Барлык теләүчеләрне күргәзмәгә чакырып калабыз.
ТР Премьер-министры урынбасары – ТР сәнәгать һәм сәүдә министры Альберт Кәримов Татарстан Республикасы Президенты Рөстәм Миңнеханов җитәкчелегендәге Татарстан Республикасы делегациясе составында Италиядә эшлекле сәфәр кыла.
Бүген Ломбардиянең Сәнәгатьчеләр ассоциациясе мәйданчыгында “Италия-Татарстан” эш форумы узды. Чараны ачып, Россиянең Миландагы Генераль консулы Александр Нуризадә Татарстан Россиянең иң динамикалы рәвештә үсеш алучы төбәге дип билгеләде. Аның сүзләренә караганда, бүген төбәкара дәрәҗәсендә үзара файдалы хезмәттәшлек турында сөйләшү мөмкинлеге бар.
Үз чиратында, Татарстан Республикасы Президенты Рөстәм Миңнеханов Миланда узучы “Италия-Татарстан” эш форумында катнашучыларның барысын да сәламләде һәм республикага белдерелгән кызыксыну өчен рәхмәт белдерде. Ул Ломбардия җитәкчелегенә, Италиянең Сәнәгатьчеләр ассоциациясенә һәм Ломбардиягә, Россиянең Миландагы Генераль консуллыгына һәм бизнес-форумны оештыручы Италия белән Россиянең барлык оештыручыларына рәхмәтле булуын әйтте.
“Безнең делегация составында – Татарстан министрлыклары һәм ведомстволары, предприятиеләре җитәкчеләре. Визит кысаларында эш даирәләре үзара хезмәттәшлек өчен яңа юнәлешләр ачыр һәм уртак проектлар турында сүз куешыр, дип көтәбез. Бүген безнең илләр арасындагы элемтәләрне ныгытуга юнәлдерелгән Татарстан-Италия хезмәттәшлегенең торышы һәм аны үстерүнең киләчәге турында фикер алышу өчен яхшы мөмкинлек бар”, – диде Рөстәм Миңнеханов.
Без Италиядәге эш даирәләре белән хезмәттәшлек итүне җәелдерергә шатбыз һәм конструктив багланышларга өметләнәбез, диде Татарстан Президенты.
Алга таба Татарстан Республикасының сәнәгый потенциалы турында презентация белән ТР Премьер-министры урынбасары – ТР сәнәгать һәм сәүдә министры Альберт Кәримов чыгыш ясады.
Чыгышы барышында ул Татарстанның Россиядәге икътисадый яктан иң нык үсеш алган, куәтле сәнәгать тармагына, уңайлы инвестиция климатына, югары фәнни потенциалга ия булган төбәкләрнең берсе булуын билгеләде.
Төп социаль-икътисадый үсеш күрсәткечләре буенча Татарстан Россиядәге лидер төбәкләр унлыгына керә. Альберт Кәримов сүзләренә караганда, Татарстанның икътисад нигезен сәнәгать тармагы тәшкил итә. Ул ТР нефть-газ химиясе, машина төзелеше предприятиеләренә һәм энергетика комплексларына кыскача сыйфатлама бирде.
Исегезгә төшерик, Татарстан Республикасы делегациясе Миланда ике көнлек эш визиты белән сәфәр кыла. Элегрәк ТР вәкилләре Ломбардия (Италия) өлкәсе Президенты Роберто Марони белән очраштылар, очрашу барышында мәдәният, фән, мәгариф, туризм өлкәсендә элемтәләрне җайга салу мөмкинлекләре турында сөйләштеләр.
Визит кысаларында Midiaset компаниясенең телевидение үзәге каралды, биредә кунакларга Midiaset телеүзәге буенча экскурсия оештырылды, аның барышында Татарстан вәкилләре офис биналарын, телестудия бүлмәләрен карады, аларда телетапшырулар яисә хәбәрләрнең онлайн-трансляцияләре бара иде, шулай ук башка эш алып бару биналарында да булдылар.
Шулай ук “Италия татарлары” мәдәният ассоциациясе активы белән дә очрашу булды, биредә чарада катнашучылар Италиядә яшәүче татарларның Татарстандагы оешмалар белән актив багланышларда торуы мәсьәләләрен күтәрде. Моннан тыш, Татарстан вәкилләре Италиядәге берничә эре предприятие җитәкчеләре белән дә очрашулар уздырды.
Татарстан Республикасы Президенты Рөстәм Миңнеханов җитәкчелегендәге ТР делегациясе бу көннәрдә Италиянең Милан шәһәрендә эшлекле визит кыла. Республика башлыгын сәфәрдә ТР Премьер-министры урынбасары – сәнәгать һәм сәүдә министры Альберт Кәримов, ТР төрле министрлыкларыннан һәм ведомстволарыннан вәкилләр, шулай ук республикадагы берничә сәнәгать предприятиесе җитәкчеләре озата бара.
Визит кысаларында Татарстан вәкилләре берничә очрашуда катнашачак, асылда, Ломбардия өлкәсе Президенты Роберто Марони, Сәнәгатьчеләр ассоциациясе Президенты Карло Бономи белән күрешәчәк. Моннан тыш, ТР делегациясе планнарында төбәктәге сәнәгый предприятиеләрне карау, шулай ук татар диаспорасы әгъзалары белән күрешү дә күздә тотыла.
Партнерлык мөнәсәбәтләрен үстерүгә кагылышлы мәсьәләләр турында “Италия-Татарстан” бизнес-форумы кысаларында ныклабрак сөйләшү күздә тотыла. Татарстан вәкилләре Италиядәге бизнесменнарга республиканың икътисадый, сәнәгый һәм инвестицион потенциалы турында мәгълүмат җиткерәчәк.
12 декабрьдә Россиякүләм гражданнарны кабул итү көне уздырыла – теләсә кайсы Россия кешесенә үзен борчыган сорауларга җавап алу мөмкинлеге бирелә. Татарстанда яшәүчеләр үзләрен борчыган мәсьәләләр белән, асылда, Татарстан Республикасы Сәнәгать һәм сәүдә министрлыгына мөрәҗәгать итә ала.
Россия Федерациясе Президенты йөкләмәсе нигезендә ел саен, 2013 елның 12 декабреннән башлап, Россия Федерациясе Конституциясе Көнендә дәүләт хакимияте органнарында һәм җирле үзидарә органнарында Россиякүләм гражданнарны кабул итү көне уздырыла.
Татарстан Республикасы Сәнәгать һәм сәүдә министрлыгында гражданнарны шәхсән кабул итү 12 декабрь көнне, кабул итүнең бердәм вакытында – җирле вакыт белән 12:00-20:00 сәгатьләрдә гамәлгә ашырылачак. Адресы: Казан ш., Островский урамы, 4.
Шәхсән кабул итү чират тәртибендә, паспортны күрсәтеп уздырыла.
“ТАНЕКО” нефть эшкәртү комплексында бүген 50 миллионынчы тонна нефть эшкәртелгән. Чимал составында шулай ук илдәге 1,5 млн тонна вакуумлы газойль, 40 мең тонна газ конденсаты, 31 мең тонна мазут эшкәртелгән.
Түбән Кама шәһәрендәге комплекста беренче продукция 2010 елның 30 декабреннән 31 декабрь төненә алына. 2011 ел декабрендә нефтьне беренчел эшкәртү заводы сәнәгый файдалануга тапшырыла.
Шуннан соңгы һәр елда шулай ук әһәмиятле сәнәгый казанышлар күзәтелеп бара. 2012 елда “ТАНЕКО” 7 миллион тонна нефть эшкәртү буенча проект куәтенә чыга, гранулалы күкерт җитештерелә башлый. 2013 елда нефтьне беренчел эшкәртү куәте проектныкыннан 115%ка җитә.
2014 елда Комбинацияләнгән гидрокрекинг җайланмасы (КГҖ) сәнәгый файдалануга кертелә. ЕВРО-5 дизель ягулыгы, РТ, ТС-1, Джет, А-1 маркалы авиация керосины, II һәм III төркем база майлары җитештерелә башлый. 2015 елның июнендә КГҖ составында база майлары җитештерелә башлый. 2016 елда Комплексның продуктлар әрҗәсеннән мазутны кысрыклап чыгаручы, акрынайтылган тәртиптә кокслаучы җайланма эшен башлап җибәрә.
“ТАНЕКО” комплексында агымдагы күрсәткечләр: нефть чималы буенча куәте – 8,7 млн тонна, эшкәртү тирәнлеге – 99,2%, төссез нефть продуктлары чыгару – 87%. Хәзерге вакытта Комплекста 20 төр тирәсе товар продукциясе чыгарыла.
“ТАНЕКО”ның алга таба үсеше нефть эшкәртүне тирәнәйтү һәм нефть чималы эшкәртү күләмнәрен арттыру белән бәйле. Гамәлдәге җайланмаларны эксплуатацияләү белән берлектә, яңа җитештерү объектларын төзү эше дә өзлексез алып барыла. Якын айларда нафтаны гидрочистарту, керосинны гидрочистарту, дизель ягулыгын гидрочистарту, җиңел нафтаны изомеризацияләү җайланмаларын гамәлгә кертү планлаштырыла. 2018 ел өчен ЭЛОУ-АВТ-6 эшләтеп җибәрү, шулай ук “ТАНЕКО” комплексында ЕВРО-5 экологик классына караган автомобиль бензины җитештерә башлау әһәмиятле вакыйгага әйләнәчәк.