Кореяда РФ сәүдә министры: «Сәүдә мөнәсәбәтләрен үстерү өчен төп каршылык – санкциясез сәүдә киртәләре»

2023 елның 24 октябре, сишәмбе

24 октябрьдә Татарстан Премьер-министры урынбасары – Татарстан сәнәгать һәм сәүдә министры Олег Коробченко җитәкчелегендә Корея Республикасында РФ Сәүдә вәкиле Александр Масальцев белән онлайн-очрашу узды. Очрашуда Татарстаннан 20 дән артык компания катнашты.

«Хезмәттәшлектә кыенлыкларга карамастан, Татарстан предприятиеләре хезмәттәшлекне саклап калуда мәнфәгатьле һәм безнең очрашуда республиканың экспортка юнәлтелгән предприятиеләренең катнашуы – моны раслый», - диде министр.

Кореядәге РФ Сәүдә вәкиленең төп тезислары:

• Кореяда РФ Сәүдә вәкиллеге чимал булмаган продукциянең ватан экспортерларына ярдәм итү белән шөгыльләнә.
• Республика икътисады экспортка юнәлешле, беренче чиратта электроника, автомобильләр, нефть химиясе продукциясе экспортына бәйләнгән.
• Россиядән экспорт 5 млрд доллар тәшкил итә һәм 75%ка энергия чыганакларыннан тора, икенче урында – авыл хуҗалыгы продукциясе. Россиягә импорт 7 млрд доллар тәшкил итә, нигездә кара һәм төсле металл, җиңел автомобиль һәм косметика эшләнмәләре белән тәкъдим ителгән.
• Шунысын да билгеләп үтәргә кирәк, Корея Республикасы Россиягә каршы санкцияләргә рәсми рәвештә кушылса да, илдә үзебезнең бизнеска тыныч һәм прагматик мөнәсәбәт саклана.
• Сәүдә мөнәсәбәтләрен үстерү өчен төп каршылык – санкциясез сәүдә киртәләре. Беренче чиратта, бу Россиядән җиләк-җимеш, яшелчә, бөртекле-кузаклы, орлык, туфрак, терлек һәм хайван продуктларын кертүне тыю. Экспортка рөхсәт ителгәннәр арасында коры сөт, ак май, туңдырма, шулай ук сирәк очрый торган туфрак, төсле һәм кара металлар һәм алардан ясалган эшләнмәләр, балык продукциясе, азык-төлек, үзагач, биоягулык аеруча перспективалы.

Шулай ук предприятиеләргә Көньяк Корея һәм Россиядә эшләү өчен уңайлырак банкларны да атадылар.