Татарстанда судно төзелеше буенча инвестиция проектына мәйданчык сайлана

2019 елның 23 апреле, сишәмбе

Бүген ТР Сәнәгать министрлыгында республикада автоматик судно төзелеше комплексын оештыру буенча инвестиция проекты турында фикер алыштылар. Киңәшмәдә ТР Инвестицияле үсеш агентлыгы, ТР Транспорт министрлыгы, ТР ССП, Горький исемендәге Яшел Үзән заводы вәкилләре һ.б. катнашты. Очрашуны Альберт Кәримов уздырды.

"Симбирская верфь" компаниясе "Елга-диңгез судноларын төзү өчен автоматлаштырылган судно төзү комплексы" проектының авторы һәм инициаторы булып тора. Компания әлеге комплексны Татарстан Республикасы территориясендә урнаштыру мөмкинлеген карый. Проект продукты булып махсус конструктив чишелешле һәм базар өчен минималь бәяле елга-диңгез суднолары тора.

Элегрәк компания комплексны урнаштыруга бәйле берничә вариантны караган, биредә төп әһәмиятле шартларның берсе суга чыгу мөмкинлегеннән гыйбарәт булган. Хәзерге этапта Яшел Үзән һәм Түбән Кама районнарында берничә мәйданчык карала.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International